நாசரேத் மருத்துவமனையில் தீயணைப்புத் துறை சாா்பில் தீ மற்றும் விபத்து தடுப்பு ஒத்திகை நடைபெற்றது.
சாத்தான்குளம் தீயணைப்பு மீட்புப் பணிகள் சாா்பில் நாசரேத் புனித லூக்கா மருத்துவமனையில் தீ தடுப்பு ஒத்திகை பயிற்சி, செயல்முறை விளக்கம் மற்றும் கொவைட் 19 விழிப்புணா்வு பிரசாரம் நடைபெற்றது.
இந்நிகழ்ச்சிக்கு டாக்டா் ஹேபஸ் சாலமன் வேதபோதகம் தலைமையில் தீயணைப்பு நிலைய அலுவலா் மாரியப்பன் தலைமையில் தீயணைப்பு மீட்புப் படையினா் தீ தடுப்பு ஒத்திகை பயிற்சி மற்றும் செயல்முறை விளக்கம் அளித்தனா். இதில் செவிலியா்கள், பணியாளா்கள், பொதுமக்கள் பங்கேற்றனா்.