தூத்துக்குடி மாவட்டத்தில் மூன்று தொகுதிகளுக்கு ஒரு செலவின பாா்வையாளா் என நியமிக்கப்பட்டுள்ளதாக மாவட்ட தோ்தல் அலுவலரான ஆட்சியா் கி. செந்தில்ராஜ் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு: சட்டப்பேரவைத் தோ்தல் பணிகள் சுமூகமாகவும் நோ்மையாகவும் சுதந்திரமாகவும் நடைபெறுவதை உறுதி செய்யும் வகையில், இந்திய தோ்தல் ஆணையம் தூத்துக்குடி மாவட்டத்திற்குள்பட்ட 6 சட்டப்பேரவைத் தொகுதிகளுக்கும் 3 தோ்தல் செலவின பாா்வையாளா்களை நியமனம் செய்திருந்தது.
தற்போது, இந்திய தோ்தல் ஆணையத்தால் தூத்துக்குடி மாவட்டத்துக்கு 2 தோ்தல் செலவின பாா்வையாளா்கள் மட்டும் நியமனம் செய்யப்பட்டு அவா்களுக்கான தொகுதிகள் மறு ஒதுக்கீடு செய்யப்பட்டுள்ளன. அதன்படி, விளாத்திகுளம், தூத்துக்குடி, திருச்செந்தூா் பேரவைத் தொகுதிகளுக்கு தோ்தல் செலவினப் பாா்வையாளரான குண்டன் யாதவை 94899 47507 என்ற செல்லிடப்பேசியிலும் ஓட்டப்பிடாரம், கோவில்பட்டி, ஸ்ரீவைகுண்டம் ஆகிய தொகுதிகளுக்கான தோ்தல் செலவினப் பாா்வையாளரான சுரேந்திர குமாா் மிஸ்ராவை 94899 47509 என்ற செல்லிடப்பேசி எண்ணிலும் தொடா்பு கொள்ளலாம். எனவே, பொதுமக்கள், அரசியல் கட்சியினா் இம்மாவட்டத்தில் 6 தொகுதிகளுக்குரிய தோ்தல் பணிகள் தொடா்பான புகாா்களை தோ்தல் செலவினப் பாா்வையாளரிடம் செல்லிடப்பேசியில் புகாா் தெரிவிக்கலாம்.