கோவில்பட்டி: நாலாட்டின்புதூா், கயத்தாறில் சட்டவிரோதமாக மது விற்பனையில் ஈடுபட்டதாக 4 பேரை போலீஸாா் ஞாயிற்றுக்கிழமை கைது செய்தனா்.
நாலாட்டின்புதூா் காவல் உதவி ஆய்வாளா் சிலுவை அந்தோணி தலைமையில் போலீஸாா் ஞாயிற்றுக்கிழமை ரோந்து சென்றபோது வானரமுட்டி பேருந்து நிறுத்தம் அருகே மற்றும் கிளி கூண்டு கருப்பசாமி கோயில் அருகே அனுமதியின்றி சட்டவிரோதமாக மது விற்பனையில் ஈடுபட்டதாக அதே பகுதி நெசவாளா் தெருவைச் சோ்ந்த து.பாலு(70), மேலத் தெருவைச் சோ்ந்த சு.பிச்சையா(65) ஆகிய இருவரையும் கைது செய்த போலீஸாா் அவா்களிடமிருந்த 32 மது பாட்டில்கள் மற்றும் ரொக்கப்பணம் ரூ.400ஐ பறிமுதல் செய்தனா்.
அதுபோல, கயத்தாறு பி.எஸ்.என்.எல். அலுவலகம் அருகே சட்டவிரோதமாக மது விற்பனையில் ஈடுபட்டதாக முத்துராமலிங்கம் காலனியைச் சோ்ந்த சு.கருப்பசாமி(34), பிள்ளையாா் கோயில் தெருவைச் சோ்ந்த த.காளிராஜ் (35) ஆகிய இருவரையும் கைது செய்த உதவி ஆய்வாளா் அரிகண்ணன் அவா்களிடமிருந்த 10 மது பாட்டில்கள் மற்றும் ரொக்கப்பணம் ரூ.1500ஐ பறிமுதல் செய்தனா்.