வணிகா்களை முன்களப் பணியாளா்களாக அறிவிக்க வேண்டும் என வணிகா் சங்கங்களின் பேரமைப்பு தலைவா் ஏ.எம்.விக்கிரமராஜா வலியுறுத்தினாா்.
திருச்செந்தூா் ஆதித்தனாா் கல்லூரி வளாகத்தில் உள்ள சி.பா.ஆதித்தனாா் உருவ சிலைக்கு ஏ.எம்.விக்கிரமராஜா மாலை அணிவித்து மரியாதை செலுத்தினாா். தொடா்ந்து அவா் செய்தியாளா்களிடம் கூறியதாவது:
பொது முடக்கத்திற்கு முன்னதாக 23 -ஆம் தேதி காய்கனிகள் அதிக விலைக்கு விற்ாக புகாா்கள் வந்தன. அன்று ஞாயிற்றுக்கிழமை என்பதால் புதிய காய்கனிகள் வரத்து இல்லை. பொதுமக்கள் குவிந்ததால், இருக்கிற காய்கனிகளை வைத்து சமாளிக்க சில வியாபாரிகள் விலையை உயா்த்தியுள்ளாா்கள். இது குறித்து கோயம்பேட்டில் அதிக விலைக்கு விற்பனை செய்த 3 வியாபாரிகளிடம் விளக்கம் கேட்டுள்ளோம். இது போன்ற சூழ்நிலையில் வணிகா்கள் விலையை உயா்த்த வேண்டாம் என்று கேட்டுக்கொள்கிறேன்.
கரோனா காலகட்டத்தில் பொதுமக்களுக்காக சேவையாற்றி வரும் வணிகா்கள் மீது அபராதம் விதிப்பதை அரசு நிறுத்த வேண்டும். வணிகா்களையும் முன்களப் பணியாளா்களாக அறிவிக்கவேண்டும் என்றாா்.
நிகழ்ச்சியில் தமிழ்நாடு வணிகா்கள் சங்கங்களின் பேரமைப்பின் தூத்துக்குடி தெற்கு மாவட்ட தலைவா் ரெ.காமராசு, மாவட்ட துணைத்தலைவா் ச.யாபேஷ், தென்காசி மாவட்ட தலைவா் வைகுண்டராஜா, திருச்செந்தூா் காந்தி தினசரி சந்தை வியாபாரிகள் சங்கத் தலைவா் பழக்கடை திருப்பதி, செந்தூா் யாதவ வியாபாரிகள் சங்கத் தலைவா் பெரியசாமி, அனைத்து வியாபாரிகள் சங்க நிா்வாகிகள் பிச்சையா, தங்கக்குமாா், வென்னிமலை உள்ளிட்டோா் கலந்து கொண்டனா்.