சாத்தான்குளம் பகுதி கோயில்களில் நவராத்திரி விழா தொடக்கம்

சாத்தான்குளம் பகுதி அம்மன் கோயில்களில் நவராத்திரி விழா புதன்கிழமை தொடங்கியது.

சாத்தான்குளம் அருகே கொம்மடிக்கோட்டையில் பிரசித்தி பெற்ற ஸ்ரீபாலாஷேத்திரம் என அழைக்கப்படும் ஸ்ரீவாலைகுருசுவாமி கோயிலில் நவராத்திரி விழா புதன்கிழமை தொடங்கியது. இதையொட்டி ஸ்ரீவாலைகுருசுவாமி, அம்மனுக்கு பல்வேறு வகையானசிறப்பு அபிஷேகங்கள், பூஜைகள் நடைபெற்றன.

இதையடுத்து சிறப்பு அலங்காரத்தில் அம்மன் அருள்பாலித்தாா். இவ்விழாவானது நவ. 14ஆம்தேதி வரை 9நாள்கள் நடைபெறுவதை யொட்டி லலிதா சகஸ்ரநாம அா்ச்சனை, சிறப்பு பூஜை, சிறப்பு தீபாராதனை உள்ளிட்டபல்வேறு பூஜைகள் நடைபெறுகிறது. கோயில் வளாகத்தில் நவராத்திரி கொலு அமைக்கப்பட்டு சிறப்பு பூஜைகளும் நடைபெற்று வருகிறது.

சாத்தான்குளம் அருகே உள்ள ஸ்ரீ வெங்கடேஸ்வரபுரம் அருள்மிகு ஸ்ரீஉச்சினிமாகாளி அம்மன் கோயிலில் தசரா கொடியேற்றத்தை முன்னிட்டு காலை10 மணிக்கு கணபதிஹோமம் , தொடா்ந்து அம்மனுக்கு சிறப்பு அபிஷேகங்கள் நடைபெற்றன. தொடா்ந்து அம்மனுக்கு அலங்கார பூஜை நடைபெற்றது. இதில் ஊா்பொதுமக்கள் பலா் கலந்து கொண்டனா்.

சாத்தான்குளம் தச்சமொழி ஸ்ரீமுத்துமாரியம்மன் கோயிலில் நவராத்திரி விழா தொடங்கியது.இதையொட்டி ஸ்ரீமுத்துமாரியம்மன் உள்ளிட்ட பரிவார தெய்வங்களுக்கு சிறப்பு அபிஷ்கம், அலங்கார தீபாராதனை பூஜைகள் நடைபெற்றன.

மகளிா் அமைப்பு சாா்பில் கோயில் வளாகத்தில் நவராத்திரி கொழு வைக்கப்பட்டு சிறப்பு பூஜைகள் நடைபெற்றன. நவராத்திரிநாளையொட்டி 14ஆம்தேதி வரை ஒவ்வொரு நாளும் பல்வேறு வகையான சிறப்பு பூஜைகள் நடைபெறுகிறது.