வேம்பாா் கடற்கரையில் மீன்பிடி இறங்குதளத்தை ஆட்சியா் ஆய்வு

வேம்பாா் மீன்பிடி இறங்குதளத்தை மாவட்ட ஆட்சியா் கி.செந்தில்ராஜ் பாா்வையிட்டு ஆய்வு செய்தாா்.

வேம்பாரில் ரூ.10.5 கோடி செலவில் மீன்பிடி இறங்குதளம் அமைக்கும் பணி முடிக்கப்பட்டுள்ளது. இந்தத் துறைமுகத்தில் மீன்பிடி படகுகள் நிறுத்தும் தளம், மீன் விற்பனைக் கூடம், 2 வலைப்பின்னும் கூடங்கள், மீன்பிடி இறங்குதளத்துக்கான சாலை வசதி அமைக்கப்பட்டுள்ளது. அவற்றை மாவட்ட ஆட்சியா் கி.செந்தில்ராஜ் பாா்வையிட்டு ஆய்வு செய்தாா்.

அப்போது, மீன்பிடி இறங்குதளத்தை விரிவுபடுத்த வேண்டும்; தூண்டில் வளைவை நீட்டிப்பு செய்து விசைப்படகுகளை சேதமடையாமல் தடுக்க வேண்டும். மீன் விற்பனைக் கூடத்தில் மீன்களை எடுத்துச் செல்ல ஏதுவாக மினி லாரி, வேன்கள் வந்து செல்ல தனி இடவசதி செய்து தர வேண்டும். 3 உயா் கோபுர மின் விளக்குகள் அமைக்க வேண்டும் என மீனவா்கள் கோரிக்கை விடுத்தனா்.

ஆய்வின்போது, மீன்வளம் மற்றும் மீனவா் நலத் துறை இணை இயக்குநா் ரா.அமல்சேவியா், உதவி இயக்குநா் தி.விஜயராகவன், செயற்பொறியாளா் கங்காதரன், நபாா்டு மாவட்ட மேம்பாட்டு மேலாளா் சுரேஷ் ராமலிங்கம் உள்ளிட்டோா் கலந்துகொண்டனா்.