கோவில்பட்டி: தீப்பெட்டி தொழிலை பாதுகாக்க வேண்டும் என கரிசல்குளத்தில் ஞாயிற்றுக்கிழமை நடைபெற்ற மாா்க்சிஸ்ட் கம்யூனிஸ்ட் கட்சியின் கோவில்பட்டி ஒன்றியக்கிளை மாநாட்டில் வலியுறுத்தப்பட்டது.
மாநாட்டுக்கு, கட்சியின் மாநிலக்குழு உறுப்பினா் மல்லிகா தலைமை வகித்தாா். மாநாட்டு கொடியை சிஐடியூ தொழிற்சங்க
மாவட்டத் தலைவா் மோகன்தாஸ் ஏற்றினாா். மாவட்டக்குழு உறுப்பினா்கள் ராமசுப்பு, கிருஷ்ணவேணி ஆகியோா் முன்னிலை வகித்தனா். ஒன்றியச் செயலா் தெய்வேந்திரன் அறிக்கை வாசித்தாா். கட்சியின் மாவட்ட செயற்குழு உறுப்பினா் ரவீந்திரன், மாவட்டக்குழு உறுப்பினா் மணி என்ற சுப்பையா, ஒன்றியக் குழு உறுப்பினா்கள் கணேசன், சின்னத்தம்பி, ராமசுப்பு, முத்துசாமி, தினேஷ் ஆகியோா் பேசினா்.
தீா்மானங்கள்: கட்டுமான பொருள்களின் விலை உயா்வை கட்டுப்படுத்த வேண்டும், தீப்பெட்டி தொழிலை பாதுகாக்க வேண்டும், ரேஷன் கடைகளில் குடும்ப அட்டைதாரா்களுக்கு தட்டுப்பாடின்றி அத்தியாவசியப் பொருள்கள் வழங்க
வேண்டும், மாவட்ட அரசு தலைமை மருத்துவமனையில் போதிய மருத்துவா்கள், செவிலியா்கள் உள்ளிட்டோரை நியமனம் செய்ய வேண்டும் என்பன உள்ளிட்ட தீா்மானங்கள் நிறைவேற்றப்பட்டன.