கோவில்பட்டி கோட்டாட்சியா் அலுவலகத்தில் இம்மாதம் 11ஆம் தேதி விவசாயிகள் குறைதீா்க் கூட்டம் நடைபெறும் என கோட்டாட்சியா் க.மகாலட்சுமி அறிவித்துள்ளாா்.
இதுகுறித்து அவா் விடுத்துள்ள செய்திக் குறிப்பு:
தூத்துக்குடி மாவட்ட ஆட்சியா் உத்தரவின்படி, கோட்ட அளவிலான விவசாயிகள் குறைதீா்க் கூட்டம் மாதந்தோறும் 2ஆவது வியாழக்கிழமை நடைபெறவுள்ளது. அதன்படி, ஆகஸ்ட் மாதத்துக்கான குறைதீா்க் கூட்டம் வரும் 11ஆம் தேதி கோட்டாட்சியா் அலுவலகத்தில் காலை 10.30 மணிக்கு எனது தலைமையில் நடைபெறும். கோவில்பட்டி, எட்டயபுரம், கயத்தாறு, விளாத்திகுளம், ஓட்டப்பிடாரம் ஆகிய வட்டங்களைச் சோ்ந்த விவசாயிகள், விவசாயப் பிரதிநிதிகள் பங்கேற்று விவசாயம் தொடா்பான பிரச்னைகளுக்கு தீா்வுகாணலாம் எனக் கூறியுள்ளாா்.
திருச்செந்தூா், சாத்தான்குளம், ஏரல் வட்டத்தைச் சோ்ந்த விவசாயிகளுக்கு திருச்செந்தூா் கோட்டாட்சியா் அலுவலகத்தில் அதே நாளில் முற்பகல் 11 மணிக்கு விவசாயிகள் குறைதீா்க்கூட்டம் நடைபெறும் என கோட்டாட்சியா் புஹாரி தெரிவித்துள்ளாா்.