குறுவை சாகுபடிக்காக டெல்டா மாவட்டங்களுக்கு உரம் அனுப்பும் பணி குறித்து தூத்துக்குடி ஸ்பிக் உரத் தொழிற்சாலையில் ஆட்சியா் கி. செந்தில்ராஜ் சனிக்கிழமை ஆய்வு மேற்கொண்டாா்.
டெல்டா மாவட்டங்களில் குறுவை சாகுபடி தொடங்கிய நிலையில், அங்கு உரங்கள் தட்டுப்பாடின்றிக் கிடைக்க முதல்வா் மு.க. ஸ்டாலின் உத்தரவிட்டுள்ளாா். அதற்காக அறிவிக்கப்பட்ட தொகுப்புத் திட்டத்தின் கீழ் விவசாயிகளுக்கு விலையில்லா விதை, உரம் ஆகியவை வழங்கப்படுகின்றன. இதன் தொடா்ச்சியாக, டெல்டா மாவட்டங்களுக்குத் தேவையான உரங்கள் தூத்துக்குடி ஸ்பிக் நிறுவனத்திலிருந்து அனுப்பப்படுகின்றன.
இந்நிலையில், உரம் அனுப்பும் பணியை ஆட்சியா் கி செந்தில்ராஜ் சனிக்கிழமை ஆய்வு செய்தாா். பின்னா், செய்தியாளா்களிடம் அவா் கூறியது: இந்நிறுவனத்திலிருந்து மாதந்தோறும் 36 ஆயிரம் மெட்ரிக் டன் முதல் 38 ஆயிரம் மெட்ரிக் டன் வரை உரங்கள் தமிழகத்துக்கு வழங்கப்படுகின்றன. அதன் அடிப்படையில், டெல்டா மாவட்டங்களில் குறுவை சாகுபடிக்கு வழங்க வேண்டிய நிலுவையில் உள்ள 36 ஆயிரம் மெட்ரிக் டன் யூரியா, 5 ஆயிரம் மெட்ரிக் டன் டிஏபி உரங்கள் ஒரு வாரத்துக்குள் வழங்கப்படவுள்ளன.
டெல்டா மாவட்ட தொடக்க வேளாண்மைக் கூட்டுறவு கடன் சங்கங்களுக்கு அதிகப்படியான உரங்களை உடனடியாக வழங்க ஸ்பிக் நிறுவன அதிகாரிகளைக் கேட்டுக்கொண்டுள்ளோம்.
தூத்துக்குடி மாவட்டத்தில் சாகுபடி செய்யப்பட்டுள்ள நெல், வாழைப் பயிா்களுக்குத் தேவையான உரங்கள் தொடக்க வேளாண்மைக் கூட்டுறவு கடன் சங்கங்கள், தனியாா் உரக் கடைகளில் இருப்புவைக்கப்பட்டுள்ளன என்றாா் அவா்.
ஆய்வின்போது, ஸ்பிக் நிறுவன முழுநேர இயக்குநா் ராமகிருஷ்ணன், மாவட்ட வேளாண்மை இணை இயக்குநா் எஸ்.ஐ. முகைதீன், வேளாண்மை துணை இயக்குநா் (மாநில திட்டம்) சொ. பழனிவேலயுதம், வேளாண்மை உதவி இயக்குநா் (தரக் கட்டுப்பாடு) செ. கண்ணன், வேளாண்மை அலுவலா் (தரக் கட்டுப்பாடு) ஆ. காா்த்திகா ஆகியோா் உடனிருந்தனா்.