தூத்துக்குடி: மனைவி வெற்றி - கணவா் தோல்வி!

தூத்துக்குடி மாநகராட்சி 45ஆவது வாா்டில் அதிமுக சாா்பில் ஜெயக்குமாரும், 44ஆவது வாா்டில் அவரது மனைவி ஜெயராணி சுயேச்சையாகவும் போட்டியிட்டனா். இதில், 1032 வாக்குகள் பெற்று ஜெயராணி வெற்றி பெற்றாா். ஜெயக்குமாா் 1,452 வாக்குகள் பெற்று திமுக வேட்பாளா் ராமகிருஷ்ணனிடம் தோல்வியடைந்தாா்.

தாய்-மகள் தோல்வி: தூத்துக்குடி மாநகராட்சி 27ஆவது வாா்டில் அதிமுக சாா்பில் கற்பகவல்லியும், 28ஆவது வாா்டில் அவரது மகள் ஹேநிஷாவும் போட்டியிட்டனா். இதில் கற்பகவல்லி 752 வாக்குகள் பெற்றும், ஹேநிஷா 406 வாக்குகள் பெற்றும் தோல்வியைத் தழுவினா்.

2 வாக்குகள் வித்தியாசத்தில் வெற்றி: தூத்துக்குடி மாநகராட்சி 51ஆவது வாா்டில் போட்டியிட்ட அதிமுக வேட்பாளா் மந்திரமூா்த்தி தன்னை எதிா்த்துப் போட்டியிட்ட திமுக வேட்பாளா் முத்துராஜாவைவிட 2 வாக்குகள் மட்டுமே அதிகம் பெற்று வெற்றிபெற்றாா். இந்த வாா்டில் 2 முறை வாக்கு எண்ணிக்கை நடைபெற்றது.

கலக்கிய வாரிசுகள்: தூத்துக்குடி மாநகராட்சித் தோ்தலில் திமுக சாா்பில் மறைந்த முன்னாள் மாவட்டச் செயலா் என். பெரியசாமியின் மகனும், வடக்கு மாவட்ட திமுக பொறுப்பாளரும் அமைச்சருமான கீதாஜீவனின் சகோதரா் ஜெகன் பெரியசாமியும், 59ஆவது வாா்டில் அதிமுக தெற்கு மாவட்டச் செயலா் எஸ்.பி. சண்முகநாதனின் மகன் எஸ்.பி.எஸ்.ராஜாவும் களமிறங்கினா். இருவரும் வெற்றியைப் பதிவு செய்தனா்.

காலையில் சுயேச்சை-மாலையில் திமுக..: தூத்துக்குடி மாநகராட்சித் தோ்தலில் சுயேச்சையாக 2ஆவது வாா்டில் போட்டியிட்ட சுப்புலட்சுமி, 14ஆவது வாா்டில் போட்டியிட்ட கீதா முருகேசன் ஆகியோா் வெற்றிபெற்றனா். திமுகவின் அதிகாரப்பூா்வ வேட்பாளா்களை எதிா்த்து களம் கண்ட இவா்கள் இருவரும் தங்களது வெற்றிக்குப் பிறகு மக்களவை உறுப்பினா் கனிமொழி, அமைச்சா் கீதாஜீவன் ஆகியோரை சந்தித்து தங்களை திமுகவில் இணைத்துக்கொண்டனா். இவா்கள் முன்னாள் திமுக நிா்வாகிகள் என்பது குறிப்பிடத்தக்கது.