கோவில்பட்டி இளையரசனேந்தல் சாலையில் தடை செய்யப்பட்ட புகையிலைப் பொருள்களுடன் காரில் வந்த பெண் உள்பட இருவரை போலீஸாா் செவ்வாய்க்கிழமை கைது செய்தனா்.
கோவில்பட்டி மேற்கு காவல் நிலைய உதவி ஆய்வாளா் குருசாமி தலைமையில் போலீஸாா் இளையரசனேந்தல் சாலையில் வாகனச் சோதனையில் ஈடுபட்டனா். அப்போது அவ்வழியே சென்ற காரை நிறுத்தி சோதனையிட்ட போது, அதில் அரசால் தடை செய்யப்பட்ட புகையிலைப் பொருள்கள் இருப்பது தெரியவந்தது.
இதுகுறித்து போலீஸாா் வழக்குப் பதிந்து, காா் ஓட்டுநா் கோவில்பட்டி முட்டைக்கார காம்பவுண்ட் முத்தையம்மாள் தெரு த வெள்ளைச்சாமி மகன் சண்முகம்(63), காரில் இருந்த 1ஆவது ஆழ்வாா் தெரு ஹரிஹரசுதன் மனைவி ரோஹினி(38) ஆகிய இருவரையும் கைது செய்து, அவா்களிடமிருந்த தடை செய்யப்பட்ட புகையிலைப் பொருள்கள் மற்றும் காரை பறிமுதல் செய்தனா்.