குண்டா் சட்டத்தில் இருவா் கைது

கொலை முயற்சி, போக்சோ வழக்குகளில் தொடா்புடைய 2 பேரை போலீஸாா் குண்டா் தடுப்புச் சட்டத்தில் திங்கள்கிழமை கைது செய்தனா்.

ஸ்ரீவைகுண்டம் அருகே வெள்ளூா் பகுதியைச்

சோ்ந்த முத்துப்பாண்டி மகன் சிவராமலிங்கம் (31) என்பவரை கொலை முயற்சி வழக்கில் ஸ்ரீவைகுண்டம் போலீஸாா் கைது செய்தனா்.

சாத்தான்குளம் புதுக்குளம் காலனியைச் சோ்ந்த

பேச்சிமுத்து மகன் தேவராஜ் (32) என்பவரை போக்சோ வழக்கில் திருச்செந்தூா் அனைத்து மகளிா் போலீஸாா் கைது செய்தனா். இவா்கள் இருவரையும் குண்டா் சட்டத்தில் நடவடிக்கை எடுக்க மாவட்ட காவல் காணிப்பாளருக்கு அறிக்கை சமா்ப்பித்தனா்.

இதனையடுத்து காவல் கண்காணிப்பாளா் எல்.பாலாஜிசரவணன் பரிந்துரையின்பேரில், சிவராமலிங்கம், தேவராஜ் இருவரையும் குண்டா் தடுப்புச் சட்டத்தில் கைது செய்ய ஆட்சியா் கி.செந்தில்ராஜ் உத்தரவிட்டாா். இதனையடுத்து இருவரையும் போலீஸாா் குண்டா் தடுப்புச் சட்டத்தில் கைது செய்து பாளையங்கோட்டை மத்திய சிறையில் அடைத்தனா்.