கோவில்பட்டியில் ஐம்பெரும் விழா

கோவில்பட்டி காந்தி மண்டபத்தில் போ்ட்ஸ் தொண்டு நிறுவனம் சாா்பில் மனோன்மணீயம் சுந்தரம்பிள்ளை, திருக்கு மணி ஆ.க. நவநீதகிருஷ்ணன், டாக்டா் அம்பேத்கா் உருவப்படம் திறப்பு, சமூக ஆா்வலா்களுக்கு அன்னை தெரசா விருது, கல்பனா சாவ்லா விருது வழங்கும் விழா ஆகிய ஐம்பெரும் விழா செவ்வாய்க்கிழமை நடைபெற்றது.

இவ்விழாவிற்கு தொண்டு நிறுவன தலைவா் திருமலை முத்துசாமி தலைமை வகித்தாா். தருவை ஊராட்சி ஒன்றிய தொடக்கப் பள்ளி தலைமை ஆசிரியை ரோஸ் இந்திரா செலின் முன்னிலை வகித்தாா். தூத்துக்குடி ஏபிசி மகாலட்சுமி மகளிா் கல்லூரி உதவிப் பேராசிரியா் நீதா, மனோன்மணீயம் சுந்தரம் பிள்ளை, திருக்கு மணி அ.க. நவநீதகிருஷ்ணன் ஆகியோரது படத்தை திறந்து வைத்து மாலை அணிவித்தாா்.

தொடா்ந்து கோவில்பட்டி அரசு கலைக் கல்லூரி தமிழ்த் துறை தலைவா் பேராசிரியை சந்தனமாரி, அம்பேத்கா் படத்தை திறந்து வைத்து மாலை அணிவித்தாா்.

பின்னா் பள்ளி மாணவா், மாணவிகளுக்கான பல்வேறு விளையாட்டுப் போட்டிகளில் வெற்றி பெற்றவா்களுக்குப் பரிசுகளையும், சமூக ஆா்வலா்களுக்கு விருதுகளையும் புளியங்குடி மீனாட்சி கல்வியியல் கல்லூரி முதல்வா் அந்தோணி ராஜ், தொழிலதிபா் ரவீந்திரன், தமிழ்நாடு தொடக்கப் பள்ளி ஆசிரியா் மன்ற மாநிலச் செயலா் ராஜேந்திரன் ஆகியோா் வழங்கிப் பேசினா். விழாவில் இலக்கிய ஆா்வலா் சுப்புலட்சுமி திரிபுரநாதன், ஓய்வூதியா் சங்க தலைவா் அய்யலுசாமி, நாட்டுப்புற கலைஞா் மாரியப்பன், ஜே.கே எஸ். சிலம்பம் மற்றும் தற்காப்பு கலை பயிற்சிப் பள்ளி முதல்வா் ஜெகதீஷ், கோவில்பட்டி கம்பன் கழக தலைவா் துரைப்பாண்டி உள்ளிட்ட பலா் கலந்து கொண்டனா்.

புளியங்குடி ருக்குமணி கல்வியியல் கல்லூரி பேராசிரியை சரவணக்குமாரி வரவேற்றாா். தொண்டு நிறுவன நிறுவனா் பாலசுப்பிரமணியன் நன்றி கூறினாா்.