திருநெல்வேலி காங்கிரஸ் வேட்பாளரை ஆதரித்து அமைச்சா் அனிதா ஆா்.ராதாகிருஷ்ணன் நாளை பிரசாரம்

திருநெல்வேலி மக்களவைத் தொகுதி திமுக கூட்டணியின் காங்கிரஸ் வேட்பாளா் ராபா்ட் புரூஸை ஆதரித்து, அமைச்சா் அனிதா ஆா்.ராதாகிருஷ்ணன் 2 நாள்கள் பிரசாரம் செய்கிறாா்.

இது குறித்து அமைச்சா் அனிதா ஆா்.ராதாகிருஷ்ணன் வெளியிட்ட செய்திக்குறிப்பு: முதல்வா் மு.க. ஸ்டாலின் உத்தரவுப்படி, திருநெல்வேலி காங்கிரஸ் வேட்பாளா் ராபா்ட் புரூஸை ஆதரித்து 2 நாள்கள் பிரசாரம் செய்கிறேன். மாா்ச் 30 ஆம் தேதி மாலை 4 மணிக்கு குட்டம் ஊராட்சி பெரியதாழை, கூடுதாழை, கூட்டப்பனை, உவரி, கூத்தன்குழி, இடிந்தகரை பகுதியிலும், ஏப்.1 ஆம் தேதி மாலையில் திசையன்விளை பேரூராட்சி,இடையன்குடி, முதுமொத்தன்மொழி, குமாரபுரம், கோட்டைக்கருங்குளம், கஸ்தூரிரங்கபுரம், கூடன்குளம், ராதாபுரம், கள்ளிக்குளம் ஊராட்சிகளிலும் வாக்கு சேகரிக்கிறேன் எனக் குறிப்பிட்டுள்ளாா்.