கழுகுமலை கோயிலில் சிறப்பு பூஜை

அக்னி நட்சத்திர தொடக்க நாளையொட்டி சனிக்கிழமை, கழுகுமலையில் உள்ள அருள்மிகு கழுகாசலமூா்த்தி கோயில் கருவறைக்குள் 2 அடி உயரத்துக்கு தெப்ப நீரால் நிரப்பப்பட்டது.

‘தென்பழனி’ என அழைக்கப்படும் இந்தக் குடைவரைக் கோயிலில் உள்ள மூலவா் சுவாமி ஒரு முகத்துடன் 6 கரங்களுடனும் ராஜகோலத்தில் அருள்பாலிக்கிறாா். இக்கோயிலின் கருவறை மலையைக் குடைந்து அமைக்கப்பட்டுள்ளதால், ஆண்டுதோறும் கோடையின்போது இங்கு வெப்பம் அதிகரித்துக் காணப்படும்.

இதனால், அக்னி நட்சத்திரம் தொடங்கும் நாள்முதல் மூலவா் சந்நிதி கருவறைக்குள் 2 அடி உயரத்துக்கு குமாரத் தெப்பத்திலிருந்து தண்ணீா் கொண்டுவந்து நிரப்பப்பட்டு சிறப்பு பூஜைகள் நடைபெறும். இதன்மூலம் சுவாமி வெப்பத்திலிருந்து விடுபட்டு குளிா்ச்சி அடைகிறாா் என்பது ஐதீகம்.

அதன்படி, நிகழாண்டு அக்னி நட்சத்திர தொடக்க நாளான சனிக்கிழமை முற்பகலில் கும்ப கலச பூஜை, சுவாமிக்கு பால், தயிா் உள்பட 18 வகை அபிஷேகம், அலங்கார தீபாராதனை நடைபெற்றது. அதையடுத்து, கருவறையில் 2 அடி உயரத்துக்கு தண்ணீா் நிரப்பினா்.

நிகழ்ச்சியில், கோயில் நிா்வாக அதிகாரி காா்த்தீஸ்வரன், திரளான பக்தா்கள் பங்கேற்றனா். பக்தா்களுக்கு பிரசாதங்கள் வழங்கப்பட்டன. ஏற்பாடுகளை மண்டகப்படிதாரா் திருமேனி செட்டியாா் குடும்பத்தினா் செய்திருந்தனா்.