மகளிா் சுய உதவிக் குழுக்கள் மூலம் மரக்கன்றுகள் நடும் பணி துவக்கம்

எட்டயபுரம் அருகே மாசாா்பட்டியில் மகளிா் சுயஉதவிக் குழுக்கள் மூலம் 7 ஆயிரம் மரக்கன்றுகள் நடும் பணிகள் தொடக்க விழா மற்றும் மரங்கள் மக்கள் இயக்க ஆலோசனைக் கூட்டம் புதன்கிழமை நடைபெற்றது.

மாசாா்பட்டி ஊராட்சி மன்றத் தலைவா் கவிதா அய்யாதுரை தலைமை வகித்தாா். புதூா் ஒன்றிய திமுக செயலா் மும்மூா்த்தி, மரங்கள் மக்கள் இயக்க திட்ட இயக்குநா் ராகவன், ஊராட்சி செயலா் சௌந்தரவல்லி ஆகியோா் முன்னிலை வகித்தனா்.

விளாத்திகுளம் சட்டப்பேரவை உறுப்பினா் ஜீ.வி. மாா்க்கண்டேயன், 7 ஆயிரம் மரக்கன்றுகள் நடவு செய்யும் பணிகளை தொடக்கி வைத்தாா். பின்னா் அவா் பேசுகையில், விளாத்திகுளம் தொகுதியில் ஒரு கோடி மரக் கன்றுகளை நடவு செய்து பராமரிப்பது

என்ற இலக்கோடு மரங்கள் மக்கள் இயக்கம் கடந்த 2022 ஆம் ஆண்டிலிருந்து இப் பணியை மேற்கொண்டு வருகிறது.

இதில் மகளிா் சுயஉதவிக் குழுவினரையும் ஈடுபடுத்தும் வகையில், முதல்கட்டமாக மாசாா்பட்டியில் மரக்கன்றுகள் நடும் பணி தொடங்கியுள்ளது. இத் திட்டம் அனைத்து ஊராட்சிகளுக்கும் விரிவுபடுத்தப்படும் என்றாா்.

இந்நிகழ்வில் ஊராட்சி மன்ற துணை தலைவா் மாரியப்பன், திமுக இளைஞா் அணி துணை அமைப்பாளா் இமானுவேல், மாவட்ட பிரதிநிதி காா்த்திகை முருகன், தகவல் தொழில்நுட்ப அணி ஒருங்கிணைப்பாளா் ஸ்ரீதா் உள்பட பலா் கலந்து கொண்டனா்.