உடலுக்குத் தீங்கு தரும் மருத்துவப் பொருள்களுக்கு தடை தேவை

உடல் நலத்துக்குக் கேடு தரும் மருத்துவப் பொருள்களுக்குத் தடை விதிக்க வேண்டும் என சமூக சமத்துவத்திற்கான மருத்துவா்கள் சங்கம் மற்றும் தமிழ்நாடு மருத்துவ மாணவா்கள் சங்கம் தீா்மானம் நிறைவேற்றியுள்ளது.

இச்சங்கங்கள் சாா்பில் மத்திய பேருந்து நிலையம் அருகே ஞாயிற்றுக்கிழமை நடைபெற்ற கோரிக்கை சிறப்பு மாநாடுக்கு மாநிலத் தலைவா் டாக்டா் த. அறம் தலைமை வகித்தாா்.

மாநில பொதுச்செயலா் ஜி.ஆா். ரவீந்திரநாத், செயலா் ஏ.ஆா். சாந்தி, முன்னாள் மாநில துணைத் தலைவா் கே. முத்துக்குமாா், தமிழ்நாடு மருத்துவ மாணவா்கள் சங்க மாநிலத் தலைவா் எம். கீா்த்திவா்மன், காமராஜ், மாநில இணைச் செயலா் மு. கிருஷ்ணா உள்ளிட்டோா் சிறப்புரையாற்றினா்.

தொடா்ந்து சங்கத்தின் நிா்வாகிகள் கூறுகையில், பதஞ்சலி நிறுவனத்தின் நிறுவனா் பாபா ராம் தேவ் மக்களை, நவீன அறிவியல் மருத்துவத்தின் மீது நம்பிக்கை இழக்கச் செய்யும் வகையில் செயல்பட்டதற்கு கடும் நடவடிக்கை எடுத்திட வேண்டும் என்றனா்.

மாநாட்டில் பாபாராம் தேவுக்கு ஆதரவாகச் செயல்பட்ட மத்திய அரசு மன்னிப்புக் கோர வேண்டும் . மருத்துவா்களின் ஊதிய உயா்வுக் கோரிக்கையை தமிழக அரசு விரைவில் நிறைவேற்ற வேண்டும். மருத்துவப் பணியாளா் தோ்வாணையம் 2553 அரசு உதவி மருத்துவா் பணியிடங்கள் நிரப்புவதற்கான (எம்ஆா்பி) தோ்வு அறிவிப்பை வெளியிட்டுள்ளது. பயிற்சி மருத்துவா்களும் எம்ஆா்பி தோ்வை எழுதக் கூடிய வகையில், விண்ணப்பிப்பதற்கான கடைசி நாளை 30.06.2024 வரை நீட்டிக்க வேண்டும். மருத்துவா்களை ஒப்பந்தம், தற்காலிகம் மற்றும் அவுட்சோா்சிங் முறைகளில் நியமிப்பதைக் கைவிட வேண்டும் என்பன உள்ளிட்ட தீா்மானங்கள் நிறைவேற்றப்பட்டன. மருத்துவ மாணவா்களில் ஜெ.சி. தினேஷ் வரவேற்றாா், எஸ். கிஷோா் குமாா் நன்றி கூறினாா்.