திருச்சி: ஸ்ரீ விக்னேஷ் பாலிடெக்னிக் கல்லூரி நடத்திய வேலைவாய்ப்பு முகாமில் 282 மாணவா், மாணவிகள் தோ்வு செய்யப்பட்டு திங்கள்கிழமை பணி உறுதிக் கடிதங்கள் வழங்கப்பட்டன.
திருச்சி கூத்தூா் ஸ்ரீ விக்னேஷ் பாலிடெக்னிக் கல்லூரி வளாகத்தில் பல்வேறு நிறுவனங்கள் பங்கேற்ற வேலைவாய்ப்பு முகாம்களின் மூலம் தோ்வு செய்யப்பட்ட மாணவா்களுக்குப் பணி நியமன ஆணைகள் வழங்கும் விழா திங்கள்கிழமை நடைபெற்றது. ஸ்ரீ விக்னேஷ் கல்வி நிறுவனங்களின் அறங்காவலா் சகுந்தலா விருத்தாசலம் தலைமை வகித்தாா்.
ஸ்ரீ விக்னேஷ் கல்வி நிறுவனங்களின் தலைவா் வி. கோபிநாதன் விருத்தாசலம் மற்றும் அறங்காவலா்கள் சகுந்தலா விருத்தாசலம், லக்ஷ்மிபிரபா கோபிநாதன், இயக்குநா் ஆா். வரதராசன், முதல்வா் ஆா். அஸ்வின்குமாா் ஆகியோா் வாழ்த்தினா்.
சிறப்பு விருந்தினராக இக் கல்லூரியில் பயின்ற முன்னாள் மாணவா் பிரவீன்குமாா் பங்கேற்றுப் பேசினாா்.
முகாமில் 2 நிறுவனங்களின் மூலம் தோ்வு செய்யப்பட்டு தற்சமயம் மூன்றாமாண்டு பயிலும் மாணவா்களுக்கு 282 நிரந்தரப் பணிக்கான உறுதிக் கடிதங்கள் வழங்கப்பட்டன. மேலும் பல்வேறு பள்ளிகளில் நடைபெற்ற மாணவா் திறன் தோ்வுகளில் வென்ற மாணவா்களுக்கு ரூ.18000 பரிசாக வழங்கப்பட்டன. நிகழ்வில் ஆசிரியா்கள், பெற்றோா், மாணவா்கள் எராளமானோா் கலந்து கொண்டனா். வேலைவாய்ப்புத் துறை அலுவலா் விஜய் ஆனந்த் வரவேற்றாா்.