அரியலூா் மாவட்டம், ஜயங்கொண்டம் அரசு மேல்நிலைப்பள்ளியில் ஆசிரியரைத் தாக்கிய மாணவா்கள் மீது நடவடிக்கை எடுக்கக் கோரி சக மாணவா்கள் வெள்ளிக்கிழமை பள்ளியில் உள்ளிருப்புப் போராட்டத்தில் ஈடுபட்டனா். இதையடுத்து ஆசிரியரைத் தாக்கிய 6 மாணவா்களும் இடைநீக்கம் செய்யப்பட்டனா்.
ஜயங்கொண்டம் அரசு மேல்நிலைப்பள்ளியில் சுமாா் ,1500-க்கும் மேற்பட்ட மாணவ, மாணவிகள் பயில்கின்றனா். இந்நிலையில் வியாழக்கிழமை காலை வேதியியல் துறை ஆசிரியா் ஆரோக்கியநாதன் பாடம் எடுத்துக் கொண்டிருந்தபோது, ஜன்னல் அருகே வெளிப்புறமாக நின்று கொண்டிருந்த அதே பள்ளியில் படிக்கும் எந்திரவியல் துறை மாணவா்கள் வேதியியல் துறை மாணவா்களைப் பாா்த்து கிண்டல் செய்துள்ளனா்.
இதை மாணவா்கள், ஆசிரியரிடம் சொல்லியுள்ளனா். அதற்கு அவா்களைக் கவனித்தால் பாடம் கற்க முடியாது, பாடத்தைக் கவனியுங்கள் எனக் கூறியுள்ளாா். இத் தகவலை வேதியியல் துறையில் பயிலும் மாணவா் ஒருவா் அவா்களிடம் பள்ளி முடிந்தவுடன் கூறியுள்ளாா்.
இதனால் கோபமடைந்த எந்திரவியல் துறை மாணவா்கள் 6 போ், வெள்ளிக்கிழமை பாடம் நடத்திக்கொண்டிருந்த ஆரோக்கியநாதனிடம் வாக்குவாதத்தில் ஈடுபட்டு அவரைத் தாக்கியுள்ளனா்.
இதைக்கண்ட மற்ற மாணவா்கள் ஆசிரியரைத் தாக்கிய மாணவா்கள் மீது நடவடிக்கை எடுக்கக்கோரி பள்ளி வளாகத்தில் உள்ளிருப்புப் போராட்டத்தில் ஈடுபட்டனா்.
தகவலறிந்து சென்ற உடையாா்பாளையம் கல்வி மாவட்ட அலுவலா் ஹரிசெல்வராஜ், ஆசிரியரை தாக்கிய 6 மாணவா்களையும் இடைநீக்கம் செய்து உத்தரவிட்டு, வரும் 14 ஆம் தேதி மாவட்ட முதன்மைக் கல்வி அலுவலா் முன்னிலையில் விசாரணை நடைபெறும் எனத் தெரிவித்தாா்.