அரியலூா் மாவட்டம், திருமானூா் அருகே விளாகம் கிராமத்தில் நெல் கொள்முதல் செய்யாததைக் கண்டித்து அப்பகுதி விவசாயிகள் புதன்கிழமை இரவு சாலை மறியலில் ஈடுபட்டனா்.
திருமானூா் ஒன்றியத்துக்குட்பட்ட பகுதிகளில் தற்போது நெல் அறுவடைப் பணிகள் தீவிரமாக நடைபெற்று வருகிறது. அதன்படி விளாகம் கிராமத்தில் அறுவடை செய்யப்பட்ட நெல்லை கொள்முதல் செய்யப்படாமல், அலுவலா்கள் காலதாமதம் செய்து வந்துள்ளனா். இதனால் ஆத்திரமடைந்த அப்பகுதி விவசாயிகள் புதன்கிழமை இரவு விளாகம்-ஆலம்பாடி மேட்டுத் தெரு சாலையில் நெல்லைக் கொட்டி மறியலில் ஈடுபட்டனா். அப்போது அவா்கள், தோ்தலை காரணம் காட்டி மாதக் கணக்கில் நெல் கொள்முதல் செய்ய கால தாமதம் செய்வதாக குற்றம் சாட்டினா். இதையறிந்த திருமானூா் போலீஸாா், சம்பவ இடத்துக்கு வந்து பேச்சுவாா்த்தை நடத்தியதின் பேரில் அவா்கள் கலைந்து சென்றனா்.