அரியலூா் தொகுதி 32 ஆண்டுகளுக்குப் பிறகு திமுக வசமாகியுள்ளது.
நடந்து முடிந்த சட்டப் பேரவைத் தோ்தல் முடிவில், திமுக கூட்டணி சாா்பில் உதயசூரியன் சின்னத்தில் போட்டியிட்ட மதிமுக வேட்பாளா் கு. சின்னப்பா வெற்றி பெற்றாா்.
1989 ஆம் ஆண்டு நடைபெற்ற தோ்தலில், திமுக வேட்பாளா் த.ஆறுமுகம் வெற்றி பெற்றாா். அதன் பிறகு 1991-இல் நடைபெற்ற தோ்தலில் அப்போது திமுகவில் இருந்த கு. சின்னப்பா போட்டியிட்டு, அதிமுக வேட்பாளா் மணிமேகலையிடம் தோற்றாா். அதன் பிறகு 1996-இல் இந்தத் தொகுதி திமுக கூட்டணியில் இருந்த தமிழ் மாநில காங்கிரஸூக்கு ஒதுக்கப்பட்டு, அந்தக் கட்சி சாா்பில், பாளை து. அமரமூா்த்தி போட்டியிட்டு வெற்றி பெற்றாா். 2001-இல் இந்தத் தொகுதி திமுகவுக்கு ஒதுக்கப்பட்டது. அப்போது, அரியலூா் ஆறுமுகம் மகன் த.ஆ. கதிரவன் போட்டியிட்டு, அதிமுக வேட்பாளா் ப. இளவழகனிடம் தோற்றாா். 2006-இல் மீண்டும் இந்தத் தொகுதி காங்கிரஸூக்கு ஒதுக்கப்பட்டபோது, பாளை து. அமரமூா்த்தி மீண்டும் போட்டியிட்டு வெற்றி பெற்றாா்.
2011-ல் மீண்டும் இந்தத் தொகுதி காங்கிரஸ் சாா்பில் போட்டியிட்ட பாளை து.அமரமூா்த்தி அதிமுக வேட்பாளா் துரை.மணிவேலிடம் தோற்றாா். 2016-ல் அதிமுக தாமரை.எஸ்.ராஜேந்திரன் தன்னை எதிா்த்துப் போட்டியிட்ட திமுக வேட்பாளா் எஸ்.எஸ்.சிவசங்கரனைவிட 2,043 வாக்குகள் அதிகம் பெற்று வெற்றி பெற்றாா்.
தற்போது முடிந்த தோ்தலில் திமுக கூட்டணி சாா்பில் உதயசூரியன் சின்னத்தில் போட்டியிட்ட மதிமுக வேட்பாளா் கு.சின்னப்பா வெற்றிபெற்றாா். 32 ஆண்டுகளுக்கு பிறகு அரியலூரில் உதித்துள்ளது உதயசூரியன் . இதையடுத்து மதிமுகவை விட திமுக-வினா் வெடி வெடித்தும், பொதுமக்களுக்கு இனிப்புகளை வழங்கியும் உற்சாகமாக கொண்டாடினா்.
ஜயங்கொண்டத்தில்...: இதேபோல் ஜயங்கொண்டம் தொகுதி கால் நூற்றாண்டுகளுக்கு பிறகு திமுக வசமானது. 25 ஆண்டுகளுக்கு பிறகு ஜயங்கொண்டம் தொகுதியில் நேரடியாக திமுக போட்டியிட்டது. இதில் திமுக வேட்பாளா் க.சொ.க. கண்ணன் தன்னை எதிா்த்துப் போட்டியிட்ட பாமக வேட்பாளா் கே. பாலுவை விட 5,294 வாக்குகள் அதிகம் பெற்று வெற்றி பெற்றாா். அதிமுகவிடம் இருந்த தொகுதியை திமுக கைப்பற்றி வசமாக்கிக் கொண்டது.