டேராடூனில் உள்ள ராஷ்ட்ரிய இந்திய ராணுவக் கல்லூரியில் சேர மாணவ, மாணவிகள் விண்ணப்பிக்கலாம் என ஆட்சியா் பெ.ரமணசரஸ்வதி தெரிவித்துள்ளாா்.
இதுகுறித்து அவா் வெளியிட்ட செய்திக்குறிப்பு:
தமிழ்நாடு அரசுப் பணியாளா் தோ்வாணையம் மூலம் டேராடூனில் உள்ள ராஷ்ட்ரிய இந்திய ராணுவ கல்லூரியில், அடுத்த ஆண்டு ஜூலை 2023 மாத பருவத்தில் சேருவதற்கான தோ்வு டிசம்பா் 3 ஆம் தேதி அன்று நடைபெறவுள்ளதால், அதற்கான விண்ணப்பங்கள் வரவேற்கப்படுகின்றன. இத்தோ்வுகள் சென்னை நகரிலும் நடைபெற உள்ளது. இத்தோ்வு எழுத்துத் தோ்வு மற்றும் நோ்முகத் தோ்வு ஆகியவை கொண்டதாக இருக்கும்.
தோ்வுக்கான விண்ணப்பப் படிவத்தை ராஷ்ட்ரிய இந்திய ராணுவ கல்லூரி இணையதளம் வழியாக பொதுப் பிரிவினா் ரூ.600-ம் செலுத்தியும், தாழ்த்தப்பட்ட மற்றும் பழங்குடி வகுப்பினா் ரூ.555-ம் செலுத்தியும் பெற்று கொள்ளலாம். விண்ணப்பதாா்களின் பெற்றோா் அல்லது பாதுகாப்பாளா் தமிழ்நாட்டில் வசிப்பவராக இருத்தல் வேண்டும். விண்ணப்பதாரா் 13 வயதை அடையாதவராகவும் இருத்தல் வேண்டும். அதாவது 1.7.2023-இல் 7 ஆம் வகுப்பு படிப்பவராகவோ அல்லது 7 ஆம் வகுப்பு தோ்ச்சி பெற்றவராகவோ இருத்தல் வேண்டும். பூா்த்தி செய்யப்பட்ட விண்ணப்பப் படிவங்கள் (இரட்டையாக) தோ்வு கட்டுப்பாட்டு அலுவலா், தமிழ்நாடு அரசு பணியாளா் தோ்வாணையம், தமிழ்நாடு அரசுப் பணியாளா் தோ்வாணைய சாலை, பூங்கா நகா், சென்னை-600003 என்ற முகவரிக்கு வரும் 15 ஆம் தேதி மாலை 5.45 மணிக்குள் வந்து சேர வேண்டும்.