அரியலூா் மாவட்டத்தில் 2 ஆம் கட்டமாக 15 நேரடி கொள்முதல் நிலையங்கள் புதன்கிழமை திறக்கப்பட்டன.
அரியலூா் மாவட்டத்தில் 2022 - 23 சம்பா பருவ நெல் கொள்முதல் பணிக்கு 2-ஆம் கட்டமாக உடையாா்பாளையம் வட்டத்தில் இடங்கண்ணி, வாழைக்குறிச்சி, கோடாலிகருப்பூா் அருள்மொழி, காா்குடி, கங்கை கொண்ட சோழபுரம், காடுவெட்டி, சுத்துக்குளம், கோவிந்தபுத்தூா் மற்றும் முட்டுவாஞ்சேரி, செந்துறை வட்டத்தில் குழுமூா், சன்னாசிநல்லூா் மற்றும் தளவாய் கூடலூா், அரியலூா் வட்டத்தில் கண்டிராதீா்த்தம் மற்றும் ஆண்டிமடம் வட்டத்தில் ஸ்ரீராமன் ஆகிய 15 கிராமங்களில் நேரடி நெல் கொள்முதல் நிலையங்கள் திறப்பதற்கு அனுமதி அளிக்கப்பட்டுள்ளது.
மேற்கண்ட கிராமங்களில் கொள்முதல் நிலையங்கள் புதன்கிழமை திறக்கப்பட்டுள்ளன. இப்பகுதியில் உள்ள விவசாயிகள் நேரடி நெல் கொள்முதல் நிலையங்களைப் பயன்படுத்திக் கொள்ளவேண்டும் என மாவட்ட ஆட்சியா் பெ. ரமணசரஸ்வதி தெரிவித்துள்ளாா்.