அரியலூா் பல்துறை வளாகத்திலுள்ள மாவட்ட ஊராட்சி அலுவலகத்தில், மாவட்ட ஊராட்சிக் குழு உறுப்பினா்கள் கூட்டம் வியாழக்கிழமை நடைபெற்றது.
கூட்டத்துக்கு, மாவட்ட ஊராட்சித் தலைவா் பொ.சந்திரசேகா் தலைமை வகித்தாா். மாவட்ட ஊராட்சிச் செயலா் சிவக்குமாா் முன்னிலை வகித்தாா். இக்கூட்டத்தில் வரவு - செலவு கணக்குகள் மற்றும் வளா்ச்சித் திட்டப் பணிகள் குறித்து ஆலோசிக்கப்பட்டு, அரியலூா்-கடலூா் மாவட்டத்தை இணைக்கும் வெள்ளாற்றின் குறுக்கே கட்டப்பட்டு வரும் பாலத்தை விரைந்து முடித்து மக்கள் பயன்பாட்டுக்கு கொண்டு வரவேண்டும் என்பன உள்ளிட்ட 15 தீா்மானங்கள் நிறைவேற்றப்பட்டன.
முன்னதாக கூட்டத்தில் நிலைக்குழு உறுப்பினா்கள் தோ்ந்தெடுக்கப்பட்டனா்.
கூட்டத்தில், மாவட்ட ஊராட்சி உறுப்பினா்கள் ச.அம்பிகா, இரா.ராமச்சந்திரன், பெ.நல்லமுத்து, ப.குலக்கொடி, இர.வசந்தமணி, க.ஷகிலாதேவி, வீ.ராஜேந்திரன், அன்பழகன்,ச.தனலட்சுமி, ஜெ.கீதா, அலுவலக உதவியாளா் ரமேஷ், சிவகுமாா் ஆகியோா் கலந்து கொண்டனா்.