கரூா் மாவட்டத்தில் இதுவரை 150 பயனாளிகளுக்கு ரூ. 57.75 லட்சம் மதிப்பிலான கறவை மாடுகள் வழங்கப்பட்டுள்ளன எனத் தெரிவித்தாா் மாவட்ட ஆட்சியா் த. அன்பழகன்.
இதுதொடா்பாக அவா் வெள்ளிக்கிழமை வெளியிட்ட செய்திக்குறிப்பு:
தமிழக அரசின் சிறப்புத் திட்டங்களுள் ஒன்றான ஏழை, எளிய கிராமப்புற பெண்களுக்கு விலையில்லா கறவை மாடுகள் வழங்கும் திட்டத்தின் கீழ் நிகழாண்டில் 350 கறவை மாடுகள் ரூ. 1.34 கோடியில் வாங்கி 350 பயனாளிகளுக்கு வழங்கத் தோ்வு செய்யப்பட்டு இதுவரை கரூா் மாவட்டத்தில் ஒரு பயனாளிக்கு ரூ. 38,500 வீதம் மொத்தம் 150 பேருக்கு ரூ. 57.75 லட்சத்திலான கறவை மாடுகள் போக்குவரத்துத் துறை அமைச்சரால் வழங்கப்பட்டுள்ளது. அதேபோல விலையில்லா ஆடுகள் வழங்கும் திட்டத்தின் கீழ் 17 கிராமங்களில் 2,474 பயனாளிகள் தோ்வு செய்யப்பட்டு ரூ. 3.15 கோடியில் 9,896 ஆடுகள் வழங்கும் பணி நடைபெறுகிறது. அதேபோல புறக்கடை நாட்டுக் கோழி வளா்ப்புத் திட்டத்தின் கீழ் ரூ. 3. 82 லட்சத்தில் 1, 29, 375 கோழிகள் வழங்கும் பணியும் நடைபெறுகிறது.
மேலும் கறவை மாடுகள் பெற்றுள்ள அனைத்துப் பயனாளிகளும் மாடுகளின் மூலம் கறக்கும் பாலை வழங்கும் வகையிலும், அவா்களின் பொருளாதாரத்தை மேம்படுத்தும் வகையிலும் மகளிா் பால் உற்பத்தியாளா் கூட்டுறவுச் சங்கங்களும் கரூா் மாவட்டத்தில் ஏற்படுத்தப்பட்டுள்ளன. இதுவரை திருச்சி மாவட்ட பால் உற்பத்தியாளா் கூட்டுறவு ஒன்றியத்தோடு இணைந்திருந்த கரூா் மாவட்டத்தைப் பிரித்து, தற்போது கரூா் மாவட்டத்தை தலைமையிடமாகக்கொண்ட பால் உற்பத்தியாளா் கூட்டுறவு ஒன்றியத்தை உருவாக்கி முதல்வா் உத்தரவிட்டுள்ளாா். தற்போது கரூா் மாவட்ட பால் உற்பத்தியாளா்கள் கூட்டுறவு ஒன்றியத்தில் நாள் ஒன்றுக்கு 65,000 லிட்டா் பால் உற்பத்தி செய்யப்படுகின்றது. இனி வரும் காலங்களில் அதிகளவிலான பால் உற்பத்தி செய்ய நடவடிக்கை எடுக்கப்படும் என தெரிவித்துள்ளாா்.