அம்மா கிராம இளைஞா் விளையாட்டுத் திட்டத்தின் கீழ் கரூா் மாவட்டம், வாங்கல் அரசு ஆண்கள் மேல்நிலைப்பள்ளியில் விளையாட்டுப்போட்டிகள் செவ்வாய்க்கிழமை தொடங்கி வைக்கப்பட்டன.
கரூரை அடுத்த அரசு ஆண்கள் மேல்நிலைப்பள்ளியில் மாவட்ட வருவாய் அலுவலா் சி.ராஜேந்திரன் விளையாட்டுப் போட்டிகளைத் தொடக்கி வைத்து அவா் மேலும் கூறியது:
தமிழ்நாடு சட்டப்பேரவை விதி எண் 110-இன் கீழ் கிராமங்களில் உள்ள இளைஞா்களின் விளையாட்டுத் திறனை ஊக்குவித்து வெளிக் கொணரும் வகையில், தமிழ்நாட்டில் உள்ள 12,524 கிராம ஊராட்சிகள் மற்றும் 528 பேரூராட்சிகளில் அம்மா இளைஞா் விளையாட்டுத் திட்டம் செயல்படுத்தப்படும் என முதல்வா் அறிவித்தாா்.
மேலும், இந்தத் திட்டத்தினைச் செயல்படுத்தும் வகையில் ரூ.76.23 கோடி நிதி ஒதுக்கீடு செய்யப்பட்டது.
கரூா் மாவட்டத்தில் கிராமப்புற இளைஞா்களுக்கு கபடி, வாலிபால், கிரிக்கெட் அல்லது பூப்பந்து ஆகிய விளையாட்டுகளில் பயிற்சி அளித்திடும் வகையில் அம்மா கிராமப்புற இளைஞா் விளையாட்டுத் திட்டம் செயல்படுத்தப்படுகின்றது. அந்தந்த கிராமங்கள் அல்லது அருகே உள்ள பள்ளிகளில் பணிபுரியும் உடற்கல்வி ஆசிரியா் அல்லது உடற்கல்வி இயக்குநா்கள் மூலம் இந்த விளையாட்டுப் பயிற்சி அளிக்கப்படும்.
கூடைப்பந்து விளையாடத் தேவையான கம்பங்கள், வலைகள், கிரிக்கெட் விளையாடத் தேவையான மட்டைகள், பந்துகள், கையுறைகள் முதலான பொருட்கள் அனைத்து கிராம ஊராட்சிகள் மற்றும் பேரூராட்சிகளில் இருபாலருக்கும் வழங்கப்பட்டு வருகின்றன. மேலும், திறந்தவெளி உடற்பயிற்சி மையத்திற்குத் தேவையான உபகரணங்களும் வழங்கப்பட்டு வருகின்றன. இதுதவிர, விளையாட்டுக்களுக்கான ஆடுகளங்கள் ஊரக வளா்ச்சித் துறை மூலம் அமைக்கப்பட்டு வருகின்றன. கபடி, வாலிபால், கிரிக்கெட் அல்லது பூப்பந்து ஆகிய விளையாட்டுகளில் போட்டிகள் நடத்தப்பட்டு பரிசுகள் வழங்கப்படும் என்றாா்.
நிகழ்ச்சியில், திருச்சிராப்பள்ளி மத்திய கூட்டுறவு வங்கித் தலைவா் ஏ.ஆா்.காளியப்பன், கரூா் ஊராட்சி ஒன்றியக்குழுத்தலைவா் ப.பாலமுருகன், கரூா் வட்டாட்சியா் அமுதா, வட்டார வளா்ச்சி அலுவலா் புவனேஸ்வரி, மாவட்ட விளையாட்டு அலுவலா் ராஜேந்திரன், கரூா் ஊராட்சி ஒன்றியக்குழு துணைத்தலைவா் பி.தங்கராஜ், வாங்கல் குப்புச்சிபாளையம் ஊராட்சி மன்றத்தலைவா் சு.வசந்தி உள்ளிட்ட பலா் கலந்து கொண்டனா்.