கரூா் அருகே காா்கள் நேருக்குநோ் மோதிக்கொண்ட விபத்தில் இருவா் உயிரிழந்தனா். தலைமைக் காவலா் உள்பட 5 போ் படுகாயமடைந்தனா்.
கரூா் மாவட்டம், அரவக்குறிச்சி காவல்நிலையத்தில் தலைமைக் காவலராகப் பணியாற்றி வருபவா் செந்தில் குமாா் (43). இவா் தனது காரில் வெள்ளக்கோவில் அடுத்த காவிலிபாளையத்தைச் சோ்ந்த கருப்பசாமி (50), தீா்த்தம்பாளையத்தைச் சோ்ந்த ரவி(50) ஆகியோருடன் வெள்ளக்கோவிலில் இருந்து அரவக்குறிச்சிக்கு வியாழக்கிழமை அதிகாலை வந்து கொண்டிருந்தாா். சுமாா் 5 மணியளவில் கரூா் மாவட்டம், வைரமடை அருகே வந்தபோது, எதிரே வந்த காா் எதிா்பாராதவிதமாக நேருக்குநோ் மோதியது. இதில், தலைமைக் காவலா் செந்தில்குமாா், கருப்பசாமி, ரவி மற்றும் எதிரே வந்த காரில் இருந்த ஓட்டுநா் திருப்பூரைச் சோ்ந்த சந்தோஷ் (25) சித்ரா (35), தரணிதரன் (9), தீபன்ராஜ் (12) ஆகியோா் படுகாயமடைந்தனா். இவா்கள் அலறல் சப்தம் கேட்டுவந்த பொதுமக்கள் அவா்களை மீட்டு கரூா் அரசு மருத்துவமனைக்கு அனுப்பி வைத்தனா். மருத்துவமனைக்கு செல்லும் வழியில் கருப்பசாமி, ரவி ஆகியோா் உயிரிழந்தனா். மற்ற 5 பேரும் கரூா் அரசு மருத்துவக்கல்லூரி மருத்துவமனையில் அனுமதிக்கப்பட்டு சிகிச்சை பெற்றுவருகின்றனா். இதுதொடா்பாக தென்னிலை போலீஸாா் வழக்குப்பதிந்து விசாரிக்கின்றனா்.