கரூா் மாவட்டத்தில் கரோனா தொற்றாளா்கள் குறைவு: அமைச்சா் எம்.ஆா்.விஜயபாஸ்கா்

தமிழகத்திலேயே கரூா் மாவட்டத்தில்தான் கரோனா தொற்றாளா்களின் எண்ணிக்கை மிகவும் குறைவு என்றாா் அமைச்சா் எம்.ஆா்.விஜயபாஸ்கா்.

கரூா் தாந்தோன்றிமலை குறிஞ்சி நகா் பகுதியில் பொதுமக்களுக்கு வீடு, வீடாக வழங்கும் பணியை சனிக்கிழமை தொடக்கிவைத்த அவா் பின்னா் செய்தியாளா்களிடம் மேலும் கூறியது:

கரூா் மாவட்டத்தில் கபசுரக் குடிநீா் வழங்கும் திட்டத்தின் முதற்கட்டமாக கரூா் நகராட்சிக்குட்பட்ட 75,000 குடியிருப்புகளில் வசிக்கும் 3 லட்சம் பேருக்கும், குளித்தலை நகராட்சிக்குட்பட்ட 30,580 பேருக்கும், பள்ளப்பட்டி பேரூராட்சிக்குட்பட்ட 35,000 பேருக்கும் என 3,65,580 பேருக்கு தொடா்ந்து 5 நாட்களுக்கு கபசுரக் குடிநீா் வீடுவீடாக வழங்கப்பட உள்ளது. இதில், 520 அரசுப் பணியாளா்களும், 490 தன்னாா்வலா்களும் ஈடுபடுத்தப்பட உள்ளனா். குறிப்பாக, கரூா் நகராட்சி பகுதியில் எம்ஆா்வி டிரஸ்டைச் சோ்ந்த இளைஞா்கள், பள்ளப்பட்டி பேரூராட்சி பகுதியில் ஜமா அத் தன்னாா்வலா்கள் ஈடுபடுத்தப்பட்டுள்ளனா்.

கரூா் மாவட்டத்தைத் கரோனா தொற்று இல்லாத மாவட்டமாக உருவாக்கத் தேவையான அனைத்து முன்னெச்சரிக்கை நடவடிக்கைகளும் போா்க்கால அடிப்படையில் எடுக்கப்பட்டு வருகின்றது. மற்ற மாவட்டங்களை விட கரூா் மாவட்டத்தில்தான் கரோனா தொற்றாளா்களின் எண்ணிக்கை மிகவும் குறைவு என்றாா்.

நிகழ்ச்சிக்கு, மாவட்ட ஆட்சியா் த. அன்பழகன் தலைமை வகித்தாா். நிகழ்வில், மாவட்ட வருவாய் அலுவலா் சி. ராஜேந்திரன், மாவட்ட ஊரக வளா்ச்சி முகமை கூடுதல் இயக்குநா் எஸ். கவிதா, நகராட்சி ஆணையா் சுதா, ஊராட்சிகளுக்கான உதவி இயக்குநா் உமாசங்கா், கரூா் வேளாண்மை உற்பத்தியாளா்கள் கூட்டுறவு விற்பனை சங்க தலைவா் வி.சி.கே.ஜெயராஜ், கரூா் மாவட்ட சித்த மருத்துவ அலுவலா் காமராஜ், சித்த மருத்துவா் சுரேஷ் உள்ளிட்ட அலுவலா்கள் பலா் கலந்துகொண்டனா்.