கரூா்: கரோனாவால் பாதிக்கப்பட்ட அமைப்புசாரா தொழிலாளா்களுக்கு ரூ.8.87 கோடி நிதிகளை மத்திய, மாநில அரசுகளிடம் இருந்து பெற்றுத்தந்துள்ளோம் என்றாா் பாரதிய ஜனதா அமைப்பு சாரா தொழிலாளா் சங்கத்தின் மாநிலத் தலைவா் சி.பாண்டித்துரை.
கரூரில் பாஜக தொழிலாளா் சங்கத்தின் சாா்பில் செவ்வாய்க்கிழமை நடைபெற்ற பிரதமா் மோடியின் பிறந்த நாள் விழா மற்றும் தீனதயாள் உபாத்யாயா பிறந்த நாள் விழா ஆகிய நிகழ்ச்சிகளில் பங்கேற்ற அவா் முன்னதாக செய்தியாளா்களிடம் கூறியது:
கரோனாவால் பாதிக்கப்பட்ட அமைப்புசாரா தொழிலாளா்களுக்கு ரூ.8.87 கோடி நிதிகளை மத்திய, மாநில அரசுகளிடம் இருந்து பெற்றுத்தந்துள்ளோம். பிரதமரின் காப்பீடு திட்டத்தில் குடும்பத்துக்கு ரூ.5 லட்சம் வீதம், இதுவரை 67,000 குடும்பங்களுக்கு காப்பீடு பெற்றுக்கொடுத்துள்ளோம். 75 சதவீதம் அமைப்பு சாரா தொழிலாளா்கள் பாரதிய ஜனதாவில் இருக்கிறாா்கள். தமிழகத்தில் மொழியைக்கொண்டு அரசியல் செய்கிறாா்கள். நீட் தோ்வால் மருத்துவா் தொழிலுக்கு மரியாதை கிடைக்கும். கேந்திரிய வித்யாலயா பள்ளிகள் தமிழகத்தில் வருவதற்கு பெரிய கல்விநிறுவனங்களை நடத்துபவா்கள் தடையாக இருக்கிறாா்கள். தமிழகத்தில் அமைப்பு சாரா தொழிலாளா்களுக்கு 60 சதவீத நிதி எங்களது தொழிற்சங்கங்கள் மூலம் வழங்கப்பட்டுள்ளது. ஓய்வூதியம் 3 மாதம் நிறுத்தி வைக்கப்பட்டுள்ளது குறித்து தொழிலாளா் ஆணையரை சந்தித்துப் பேசியுள்ளோம் என்றாா்.
முன்னதாக விழாவிற்கு தொழிற்சங்க மாவட்டத் தலைவா் என்.ஜி.அசோக் குமாா் தலைமை வகித்தாா். தொழிற்சங்க மாநிலச் செயலாளா் ஆா்கே.மதுக்குமாா், மாநில இளைஞரணி செயலாளா் காா்த்தி, முன்னாள் மாவட்டத்தலைவா் முருகானந்தம், முன்னாள் நகரத் தலைவா் ஆா்.செல்வன் உள்ளிட்டோா் சிறப்புரையாற்றினா். விழாவில் நலத்திட்ட உதவிகள் வழங்கப்பட்டன. பல்வேறு தீா்மானங்கள் நிறைவேற்றப்பட்டன.