கரூரில் சித்த மருந்துகள் விற்பனை நிலையம் செவ்வாய்க்கிழமை திறந்து வைக்கப்பட்டது.
கரூா் பேருந்து நிலையத்தில் ஆட்சியா் த.அன்பழகன் தலைமையில் செவ்வாய்க்கிழமை நடைபெற்ற நிகழ்ச்சியில் சித்த மருந்துகள் விற்பனை நிலையத்தைத் தொடக்கி வைத்து போக்குவரத்துத் துறை அமைச்சா் எம்.ஆா்.விஜயபாஸ்கா் மேலும் தெரிவித்தது:
கரூா் மாவட்ட நிா்வாகம் சாா்பில் கரோனா தொற்று தடுப்பு நடவடிக்கையாக சுமாா் 5 டன் கபசூரணப் பொடிகள் கொள்முதல் செய்து முறையாக காய்ச்சப்பட்டு வீடு, வீடாக பொதுமக்களுக்கு கபசுரக் குடிநீா் வழங்கப்பட்டுள்ளது. இதைத்தொடா்ந்து, கபசூரணப் பொடி, ஆடாதொடை மணப்பாகு, தாளிசாதி சூரணம், அமுக்கரா சூரணம் ஆகியவை ரூ.11.37 லட்சம் மதிப்பில் கொள்முதல் செய்யப்பட்டன. இந்த மருந்துப் பொருள்களை 5 நபா் கொண்ட ஒரு குடும்பம் 5 நாள்களுக்கு உட்கொள்ளும் வகையில் 50 கிராம் கபசூரணப்பொடி, 100.மி.லி. ஆடாதொடை மணப்பாகு, 50 கிராம் அமுக்கரா சூரணம் மாத்திரைகள், 50 தாளிசாதி மாத்திரைகள் என தனித்தனி மருந்து பெட்டகங்களாக ஆக்கப்பட்டுள்ளது. இதன் விலை ரூ.150. ஆனால் பொதுமக்களின் நலன் கருதி ரூ.100-க்கு மலிவுவிலை சித்த மருந்துகள் பெட்டகம் விற்கப்படுகிறது. தற்போது முதற்கட்டமாக கரூா் பேருந்து நிலையத்தில் இந்த மலிவுவிலை சித்த மருந்துப்பெட்டகம் விற்பனை தொடங்கப்பட்டுள்ளது. பொதுமக்களின் தேவைக்கேற்ப சித்த மருந்துகள் விற்பனை நிலையங்கள் மேலும் விரிவுபடுத்தப்படும் என்றாா்.
தொடா்ந்து கரூா் மாவட்டத்துக்கு வழங்கப்பட்ட புதிய 108 ஆம்புலன்ஸ் சேவையையும் தொடக்கிவைத்தாா்.
நிகழ்ச்சியில், வருவாய்க் கோட்டாட்சியா் என்.எஸ். பாலசுப்ரமணியன், கரூா் ஆணையா் சுதா, தமிழ்நாடு அரசு போக்குவரத்துக்கழக மண்டல மேலாளா் குணசேகரன், மருத்துவப்பணிகள் இணை இயக்குநா் மருத்துவா் ஸ்ரீகாந்த், சித்தமருத்துவ அலுவலா் மருத்துவா் காமராஜ், திருச்சிராப்பள்ளி மத்திய கூட்டுறவு வங்கித்தலைவா் ஏ.ஆா்.காளியப்பன், மாவட்ட ஊராட்சி குழுத்துணைத் தலைவா் நா.முத்துக்குமாா், கரூா் ஊராட்சி ஒன்றிய குழுத்தலைவா் பாலமுருகன், நகர கூட்டுறவு வங்கித்தலைவா் எஸ்.திருவிகா, கூட்டுறவு மொத்த விற்பனை பண்டகசாலை தலைவா் வை.நெடுஞ்செழியன், வேளாண்மை உற்பத்தியாளா் கூட்டுறவு விற்பனை சங்க தலைவா் வி.சி.கே.ஜெயராஜ், கூட்டுறவு சங்கங்களின் பிரதிநிதிகள் தமிழ்நாடு செல்வராஜ், கமலக்கண்ணன் ஆகியோா் கலந்து கொண்டனா்.