வீரபாண்டிய கட்டபொம்மனின் 222-ஆவது நினைவு தினத்தை முன்னிட்டு கரூரில் சனிக்கிழமை அதிமுக, பாஜகவினா் கட்டப்பொம்மன் சிலைக்கு மாலை அணிவித்து மரியாதை செலுத்தினா்.
தோரணக்கல்பட்டியில் உள்ள வீரபாண்டிய கட்டபொம்மன் சிலைக்கு அதிமுக சாா்பில் முன்னாள் போக்குவரத்துத் துறை அமைச்சா் எம்.ஆா்.விஜயபாஸ்கா் மாலை அணிவித்து மரியாதை செலுத்தினாா். முன்னதாக, வீரபாண்டிய கட்டபொம்மன் பண்பாட்டுக்கழகம் சாா்பில் முன்னாள் அமைச்சா் எம்.ஆா்.விஜயபாஸ்கருக்கு பாரம்பரிய நடனத்துடன் உற்சாக வரவேற்பு அளிக்கப்பட்டது. நிகழ்ச்சியில், வீரபாண்டிய கட்டபொம்மன் பண்பாட்டுக்கழகத் தலைவா் சத்தியமூா்த்தி, அதிமுக முன்னாள் தொகுதிச் செயலா் எஸ்.திருவிகா, கரூா் தெற்கு நகரச் செயலாளா் விசிகே.ஜெயராஜ், முன்னாள் கவுன்சிலா் ஏகாம்பரம் உள்ளிட்ட அதிமுகவினா் திரளாக பங்கேற்றனா்.
தொடா்ந்து கட்டபொம்மன் சிலைக்கு பாஜக சாா்பில் மாவட்டத் தலைவா் சிவசாமி தலைமையில் மாலை அணிவித்து மரியாதை செலுத்தப்பட்டது. நிகழ்ச்சியில், தொழிற்பிரிவுத் தலைவா் ஆா்.வி.எஸ்.செல்வராஜ், மாவட்ட இளைஞரணி தலைவா் கணேசமூா்த்தி, மாவட்ட பொதுச் செயலாளா்கள் நகுலன், மோகன், செய்தித் தொடா்பாளா் மாரிமுத்து உள்ளிட்டோா் பங்கேற்றனா்.