மத்திய உள்துறை அமைச்சா் அமித் ஷா இன்று கரூா் வருகை

மத்திய உள்துறை அமைச்சா் அமித்ஷா வியாழக்கிழமை (ஏப்ரல் 1 )கரூா் வருகிறாா்.

கரூா் மாவட்டம், அரவக்குறிச்சி தொகுதியில் போட்டியிடும் பாஜக வேட்பாளா் கே.அண்ணாமலையை ஆதரித்து மத்திய உள்துறை அமைச்சா் அமித்ஷா வியாழக்கிழமை பிரசாரம் செய்கிறாா்.

சென்னையிலிருந்து ஹெலிகாப்டா் மூலம் கரூா் எம்.குமாரசாமி பொறியியல் கல்லூரிக்கு பிற்பகல் 1.45 மணிக்கு வரும் அவருக்கு மாநில, மாவட்ட நிா்வாகிகள் வரவேற்பு அளிக்கின்றனா்.

பின்னா் வேலாயுதம்பாளையத்தில் பாஜக மற்றும் கூட்டணிக் கட்சி சாா்பில் நடைபெறும் பேரணியில் அமித் ஷா பங்கேற்கிறாா். தொடா்ந்து பிற்பகல் 3 மணிக்கு செய்தியாளா்களைச் சந்திக்கும் அவா், 3.45 மணிக்கு வாக்குச்சாவடி நிா்வாகிகளை சந்திக்கிறாா். பின்னா் மாலை 4.40 மணிக்கு ஹெலிகாப்டா் மூலம் அமித்ஷா சென்னை புறப்பட்டுச் செல்கிறாா்.