புஞ்சைப் புகழூரில் ரூ.1.18 கோடியில் கட்டப்பட்டு வரும் வெற்றிலை பதப்படுத்தும் மைய கட்டுமான பணிளை மாவட்ட ஆட்சியா் மருத்துவா் த.பிரபுசங்கா் வெள்ளிக்கிழமை பாா்வையிட்டு ஆய்வு செய்தாா்.
கரூா் வட்டாரத்தில் வேளாண்மை மற்றும் உழவா் நலத்துறையின் மூலம் செயல்படுத்தப்படும் திட்டங்களை வெள்ளிக்கிழமை மாவட்ட ஆட்சியா் மருத்துவா் த.பிரபுசங்கா் செய்தியாளா்களுடன் நேரில் சென்று கள ஆய்வு மேற்கொண்டாா்.முன்னதாக வேலாயுதம்பாளையம் புஞ்சைப் புகழூரில் ரூ.1.18 கோடியில் கட்டப்பட்டு வரும் வெற்றிலை பதப்படுத்தும் மையத்தை பாா்வையிட்ட அவா், கட்டுமானப்பணிகளை தரமாகவும், விரைந்தும் முடிக்க வேண்டும் என அதிகாரிகளுக்கு உத்தரவிட்டாா். தொடா்ந்து தோட்டக்குறிச்சி பகுதியில் விவசாயி பிரவீன்குமாா் ரூ.8.90 லட்சம் மானியத்தில் பசுமை குடில் அமைத்து ரோஜா மலா் சாகுபடி செய்வதையும், தேசிய நீடித்த நிலையான வேளாண்மை திட்டத்தில் மண்மங்கலம் காளிபாளையத்தில் விவசாயி ராஜலிங்கம் என்பவா் ரூ.3.55 லட்சம் மானியத்தில் நிழல் வலைகூடம் அமைத்து அங்கு ரசயான உரங்கள் இன்றி இயற்கை உரங்கள் பயன்படுத்தி பல்வேறு வகை கீரை சாகுபடி செய்வதையும் பாா்வையிட்டாா்.
தொடா்ந்து பல்வேறு வளா்ச்சிப் பணிகளை பாா்வையிட்ட ஆட்சியா், பின்னா் பஞ்சம்மா தேவி, மின்னம்பள்ளி, சங்கரன்பாளையம் பகுதியில் கரூா் நகராட்சி கழிவு நீா் சுத்தகரிப்பு நிலையத்திலிருந்து வெளியேற்றப்படும் சுத்தகரிக்கப்பட்ட நீரை கொண்டு சங்கரன்பாளையம் மானாவாரி நிலப்பகுதியில் புகழுா் தமிழ்நாடு காகித ஆலையின் நிதி உதவியுடன் சவுக்கு மரங்கள் வளா்க்கும் திட்டத்திற்காக விவசாயிகளுடன் கலந்துரையாடல் கூட்டத்தில் கலந்து கொண்டு பேசினாா்.
ஆய்வின்போது கரூா் நகராட்சி ஆணையா் ராமமூா்த்தி, மாவட்ட வேளாண்மை இணை இயக்குநா் ஆா்.சிவசுப்ரமணியன், மாவட்ட ஆட்சியரின் நோ்முக உதவியாளா்(வேளாண்மை)க.உமாபதி, வேளாண்மை துணை இயக்குநா்(மாநிலத் திட்டங்கள்) க.பாலகிருஷ்ணன், நகராட்சி செயற்பொறியாளா் நக்கீரன், வேளாண்மை உதவி இயக்குநா்(நுண்ணீா்பாசனம்) ப.சிவானந்தம், வேளாண்மை உதவி இயக்குநா் மணிமேகலை, பஞ்சம்மா தேவி ஊராட்சித் தலைவா் சாந்தி கருணாநிதி உள்ளிட்டோா் பங்கேற்றனா்.