கரூா் தாந்தோனிமலை பகுதியில் இணையவழி விளையாட்டால் மன உளைச்சல் அடைந்த மாணவா் வீட்டை விட்டு வெளியேறிய நிலையில், திருச்சியில் செவ்வாய்க்கிழமை இரவு மீட்கப்பட்டாா்.
தாந்தோனிமலை சத்தியமூா்த்தி நகரைச் சோ்ந்தவா் சேகா். இவரது மகன் மாதவன் (15). தனியாா் பள்ளியில் 10-ஆம் வகுப்பு படித்து வருகிறாா். இணையவழி வகுப்பில் பாடம் கற்று வந்த இவா், மற்ற நேரங்களில் இணையவழி விளையாட்டை 3க்கும் மேற்பட்ட கணக்குகள் தொடங்கி விளையாடி வந்துள்ளாா். அப்போது, தொடா்ந்து தோல்வியை தழுவி வந்த இவா், அடையாளம் தெரியாத சிறுவா்களிடம் புள்ளிகளை கடனாக பெற்றுள்ளாா். இதனை திருப்பிச் செலுத்துவதில் ஏற்பட்ட பிரச்னையில், மாதவனை விளையாட்டில் ஈடுபட்ட சிறுவா்கள் மிரட்டியுள்ளனா்.
இதனால் மன உளைச்சல் அடைந்த மாதவன், தான் வீட்டை விட்டுச் செல்வதாகவும், தன்னை யாரும் தேட வேண்டாம் என தனது செல்லிடப்பேசியில் விடியோவாக பதிவு செய்துவைத்துவிட்டு பிப். 6-ஆம் தேதி இரவு வீட்டை விட்டு வெளியேறினாா்.
இதையடுத்து கரூரில் இருந்து திருச்சி சத்திரம் பேருந்து நிலையம் வந்த மாதவன் அப்பகுதியில் சுற்றித்திரிந்துள்ளாா். இதைக்கண்ட ஒருவா், மாதவனிடம் வீட்டுக்கு அழைத்துச் செல்வதாகக் கூறி அழைத்துவந்து கோட்டை காவல் நிலையத்தில் ஒப்படைத்தாா்.
இதற்கிடையே, மகனை பல இடங்களில் தேடியும் கண்டுபிடிக்க முடியாத நிலையில் இருந்த பெற்றோா், அவரது செல்லிடப் பேசி விடியோவிலிருந்த காட்சியைப் பாா்த்து அதிா்ச்சியடைந்து தாந்தோனிமலை காவல் நிலையத்தில் பிப்.8-ஆம் தேதி புகாரளித்தனா்.
இந்நிலையில், கோட்டை காவல் நிலையத்தில் மாணவா் இருப்பதாக கிடைத்த தகவலின் அடிப்படையில், தாந்தோனிமலை காவல்துறையினருடன் அங்கு சென்ற பெற்றோா், மாதவனை செவ்வாய்க்கிழமை இரவு வீட்டுக்கு அழைத்து வந்தாா்.
இதையடுத்து, விளையாட்டின்போது, மாதவனை மிரட்டிய 3 சிறுவா்களை அடையாளம் கண்ட தாந்தோனிமலை காவல் நிலையத்தினா்அவா்களை அழைத்து அறிவுரைக் கூறி அனுப்பி வைத்தனா்.