சமூக நீதிக்கு எதிராக திமுக போராட்டம் செய்கிறது என்றாா் அரவக்குறிச்சி தொகுதி பாஜக வேட்பாளா் கே.அண்ணாமலை.
இத்தொகுதிக்குள்பட்ட தோட்டக்குறிச்சி, மேட்டுப்பாளையம், கோவிந்தம்பாளையம், குன்னிக்காட்டூா், தளவாபாளையம், சேங்கல்பாளையம் அய்யம்பாளையம் உள்ளிட்ட பகுதிகளில் செவ்வாய்க்கிழமை வாக்கு சேகரித்து, மேலும் அவா் பேசியது:
வன்னியா் சமுதாயத்துக்கு உள் இடஒதுக்கீடு வேண்டும் என பாட்டாளி மக்கள் கட்சி நிறுவனா் ராமதாஸ் போராடினாா். சட்டப்பேரவை முடியும் தருவாயில், 10.5 சதவிகித உள் இடஒதுக்கீட்டை வன்னியா்களுக்கு அதிமுக அரசு வழங்கியது.
எல்லாவற்றையும் எதிா்க்கும் திமுக தலைவா் ஸ்டாலின், இதை நேரிடையாக எதிா்க்காமல் உள் இடஒதுக்கீட்டுக்கான அரசாணை எங்குள்ளது என்றாா். இதையடுத்து முதல் நாளில் சட்டமியற்றப்பட்டு, மறுநாள் இதற்கான ஆணையை ஆளுநா் வழங்கினாா். இந்த இடஒதுக்கீட்டின் மூலம் வன்னியா்களுக்கு நேரிடையாக கல்வியிலும், வேலைவாய்ப்பிலும் இடங்கள் கிடைக்கும்.
தாராபுரத்தில் செவ்வாய்க்கிழமை நடைபெற்ற தோ்தல் பிரசாரத்தில் முதல்வா் பேசும் போது, உள் இடஒதுக்கீடு வழங்கப்பட்டதை எதிா்த்து நீதிமன்றத்துக்குச் சென்றால் கூட தடுக்க முடியாது என்றாா். இதனால் நமது கொள்கை.இந்தமுறை அதிமுக ஆட்சிக்கு மீண்டும் வந்தே ஆகவேண்டும். அதற்கு அரவக்குறிச்சி தொகுதியில் என்னை வெற்றி பெற வைக்க வேண்டும்.
திமுக சமூக நீதிக்கு எதிராக போராட்டம் செய்கிறது. திமுகவில் எத்தனை மாவட்டச் செயலா்கள் பிற்படுத்தப்பட்ட வகுப்பில் இருந்து வந்தவா்கள். ஆனால் எங்கள் கட்சித்தலைவா் அருந்ததியா் இனத்தைச் சோ்ந்தவா்.இதுதான் சமூகநீதி என்றாா் அவா்.
பிரசாரத்தில் பாமக மாநிலத் துணைச் செயலா் பாஸ்கரன், முன்னாள் எம்எல்ஏ வடிவேல், அதிமுக இளைஞா் பாசறை செயலா் கமலக்கண்ணன் உள்ளிட்டோா் பங்கேற்றனா்.