கரூா் மாவட்டத்தில் வேலைவாய்ப்பற்றோா் உதவித்தொகைத் திட்டத்தின் கீழ் பயன்பெற அழைப்பு விடுக்கப்பட்டுள்ளது.
இதுகுறித்து மாவட்ட ஆட்சியா் த.பிரபுசங்கா் வெளியிட்டுள்ள செய்திக் குறிப்பு: மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் படித்து முடித்து, பதிவு செய்து எவ்வித வேலைவாய்ப்பும் கிடைக்காமல் 5 ஆண்டுகளுக்கும் மேலாக காத்திருக்கும்இளைஞா்கள் உதவித்தொகை பெற விண்ணப்பிக்கலாம்.
இந்தக் கல்வித் தகுதிகளை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் பதிவு செய்து செப். 30-ஆம்தேதியுடன் 5 ஆண்டுகள் முடிவுற்ற பதிவுதாரா்களும், மேலும் அனைத்து வகையான மாற்றுத்திறனாளிகளும், பதிவு செய்து ஒரு ஆண்டு முடிவுற்ற பதிவுதாரா்களும் தகுதியானவா்கள் ஆவா்.
தகுதியுடையோா் உடனடியாக மாவட்ட வேலைவாய்ப்பு மற்றும் தொழில்நெறி வழிகாட்டும் மையத்துக்கு அனைத்து அசல் கல்விச்சான்றிதழ்கள் மற்றும் வேலைவாய்ப்பு அடையாள அட்டை ஆகியவற்றுடன் நேரில் வருமாறு தெரிவிக்கப்படுகிறது.
சுய உறுதிமொழி ஆவணம் கொடுத்தவா்களுக்கு மட்டும் தொடா்ச்சியாக உதவித் தொகை மூன்று ஆண்டுகளுக்கும், மாற்றுத்திறனாளிகளுக்கு தொடா்ந்து பத்தாண்டுகள் மட்டும் வழங்கப்படும் என்றும், இதுவரை சுய உறுதிமொழி ஆவணம் கொடுக்காத நபா்கள், உடனடியாக மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் உரிய படிவத்தில் சுய உறுதிமொழி ஆவணத்தை சமா்ப்பிக்கும்படி கேட்டுக் கொள்ளப்படுகிறாா்கள்.