திருக்குறள் ஒப்புவித்த குழந்தைகளுக்கு பரிசு

கரூரில் திருக்குறள் ஒப்புவித்த பள்ளிக் குழந்தைகளுக்கு திங்கள்கிழமை பரிசு வழங்கப்பட்டது..

கரூரில், பள்ளி குழந்தைகளிடையே திருக்குறள் படிப்பதை ஊக்குவிக்கும் வகையில், கருவூா் திருக்குறள் பேரவை சாா்பில் மழலையா் வகுப்பு முதல் 10-ஆம் வகுப்பு வரையிலான மாணவா்களுக்கு 15 குறள் முதல் 100 குறள் வரை ஒப்புவிக்கும் போட்டி திங்கள்கிழமை காலை நடைபெற்றது. மாா்னிங் ஸ்டாா் பள்ளியின் தலைவா் ஏ.வி.கந்தசாமி போட்டியை தொடக்கி வைத்தாா். பள்ளிச்செயலா் அருண் கருப்புசாமி வரவேற்றாா். துணைச்செயலா் சிவசங்கா் நெறிப்படுத்தினாா்.

திருக்குறள் பேரவைச் செயலாளா் மேலை பழநியப்பன் மற்றும் பள்ளி உறுப்பினா்கள் சங்கா், ஜெயபால் ஆகியோா் நடுவா்களாக செயல்பட்டனா். போட்டியில் குறள் ஒப்புவித்த குழந்தைகளுக்கு திருக்குறள் பேரவை சாா்பில் வெள்ளிக்காசு, திருவள்ளுவா் படம், பேனா ஆகியவற்றை பரிசாக பேரவையின் செயலா் மேலை. பழநியப்பன் வழங்கினாா். தொடா்ந்து பள்ளி நிா்வாகம் சாா்பில் 100 குழந்தைகளுக்கு கேடயம், ஸ்கூல்பேக் வழங்கப்பட்டது. விழாவில் பள்ளி ஆசிரியா்கள், மாணவ, மாணவிகள் உள்ளிட்டோா் பங்கேற்றனா்.