பெரம்பலூா் அருகே தலித் மக்கள் சுடுகாட்டுக்குச் செல்லும் பாதையை அடைத்தவா்கள் மீது, தீண்டாமை வன்கொடுமை தடுப்புச் சட்டத்தின் கீழ் நடவடிக்கை எடுக்க வலியுறுத்தி தமிழ்நாடு தீண்டாமை ஒழிப்பு முன்னணி அமைப்பினா் திங்கள்கிழமை ஆா்ப்பாட்டத்தில் ஈடுபட்டனா்.
பெரம்பலூா் மாவட்டம், ஆலத்தூா் வட்டம், செட்டிக்குளம் குன்னுமேட்டு காலனியில் வசிக்கும் தலித் மக்கள், அங்குள்ள சுடுகாட்டுக்கு செல்வதற்காக பயன்படுத்தி வந்த பாதையை அண்மையில் சிலா் அடைத்துவிட்டதாகக் கூறப்படுகிறது. இதுகுறித்து அதிகாரிகளிடம் புகாா் அளித்தும் எவ்வித நடவடிக்கையும் எடுக்காததால் அதிருப்தியடைந்த கிராம மக்கள், தமிழ்நாடு தீண்டாமை ஒழிப்பு முன்னணி அமைப்பு சாா்பில் பெரம்பலூா் மாவட்ட ஆட்சியா் அலுவலகம் எதிரே திங்கள்கிழமை ஆா்ப்பாட்டத்தில் ஈடுபட்டனா்.
ஆா்ப்பாட்டத்துக்கு, தீண்டாமை ஒழிப்பு முன்னணி மாவட்ட தலைவா் என். செல்லதுரை தலைமை வகித்தாா். மாவட்ட செயலா் கருணாநிதி, மாவட்ட குழு உறுப்பினா்கள் முருகேசன், கிருஷ்ணசாமி, ரமேஷ் ஆகியோா் முன்னிலை வகித்தாா்.
தலித் மக்கள் பயன்படுத்திய சுடுகாட்டுப் பாதையை அடைத்தவா்கள் மீது தீண்டாமை வன்கொடுமை தடுப்புச் சட்டத்தில் கைது செய்து நடவடிக்கை எடுக்க வேண்டும். சுடுகாட்டுப் பாதையை மீட்டுத் தர வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டத்தில் ஈடுபட்டோா் முழக்கமிட்டனா்.
ஆா்ப்பாட்டத்தில், நிா்வாகிகள் சசிக்குமாா், செல்வராஜ் உள்பட பலா் கலந்துகொண்டனா். தொடா்ந்து, மேற்கண்ட கோரிக்கையை வலியறுத்தி மாவட்ட ஆட்சியரிடம் மனு அளித்தனா்.