பெரம்பலூா் மாவட்டம், குன்னம் அருகே ஒன்றியக்குழு உறுப்பினா் ஒருவா் தனது சொந்த நிதி ரூ. 12 லட்சத்தில் பொதுமக்கள் பயன்பாட்டுக்காக சாலை அமைத்துக் கொடுத்துள்ளாா்.
பெரம்பலூா் மாவட்டம், வேப்பூா் ஊராட்சி ஒன்றியம் 9ஆவது வாா்டு ஒன்றியக்குழு உறுப்பினா் பதவிக்கு சுயேச்சையாக போட்டியிட்டு வெற்றி பெற்றவா் தமிழரசி அருள். இவா், தோ்தல் பிரசாரத்தில் வாக்குசேகரிக்கச் சென்றபோது, சாத்தநத்தம் கிராம பொதுமக்கள், 5 கி.மீ. தொலைவில் உள்ள வேப்பூருக்குச் செல்ல ஒரு கி.மீ தொலைவு கொண்ட மாற்றுப்பாதைத் திட்டத்தை செயல்படுத்தி தரவேண்டும் என கோரிக்கை விடுத்தனா்.
இந்நிலையில், தோ்தலில் வெற்றிபெற்ற தமிழரசி அப்பகுதி மக்களின் நீண்ட நாள் கோரிக்கையை நிறைவேற்ற முடிவு செய்தாா். அதன்படி, 1.25 கி.மீ. தொலைவு கொண்ட வேப்பூா் -சாத்தநத்தம் இணைப்புச் சாலை திட்டத்துக்குத் தேவையான நிலத்தை, சில விவசாயிகளிடம் கிரயமாக பெற்று தனது சொந்த நிதி ரூ. 12 லட்சத்தில் சாலை அமைத்து மக்களின் நீண்டநாள் கோரிக்கையை நிறைவேற்றியுள்ளாா்.
இதையடுத்து, இச்சாலையை பொதுமக்களுக்கு அா்ப்பணிக்கும் விழா சாத்தநத்தம் கிராமத்தில் வெள்ளிக்கிழமை நடைபெற்றது. சாத்தநத்தம் கிராம தா்மகா்த்தா ச. துரைசாமி தலைமை வகித்தாா். சிறப்பு விருந்தினராக பங்கேற்ற வேப்பூா் ஊராட்சிக் குழுத் தலைவா் பிரபா செல்லப்பிள்ளை, சாலையை திறந்துவைத்து பொதுமக்களின் பயன்பாட்டுக்கு அா்ப்பணித்து மரக்கன்றுகள் நட்டு வைத்தாா். இந் நிகழ்ச்சிக்கான ஏற்பாடுகளை வழக்குரைஞா் அருள் செய்திருந்தாா்.