பெரம்பலூா் அருகேயுள்ள கவுல்பாளையம் கிராமத்தில், மாவட்ட காவல்துறை சாா்பில் பெண் குழந்தைகள் பாதுகாப்பு தினத்தையொட்டி, கிராம விழிப்புணா்வுக் கூட்டம் திங்கள்கிழமை நடைபெற்றது.
கூட்டத்துக்கு தலைமை வகித்த பெரம்பலூா் நகர காவல் ஆய்வாளா் நித்யா கிராமப்புற பெண்கள் மற்றும் பெண் குழந்தைகள் பாதுகாப்பாக இருக்கவும், பாதுகாப்பாக இருப்பதை உறுதி செய்வதற்கான வழிமுறைகள் குறித்தும், காவலன் செயலியை பயன்படுத்தும் முறைகள் குறித்தும் விளக்கினாா்.
இதேபோல, பெரம்பலூா் அனைத்து மகளிா் காவல் நிலைய ஆய்வாளா் கலையரசி தலைமையில், பல்வேறு கிராமங்களில் விழிப்புணா்வுக் கூட்டம் நடத்தப்பட்டது. இதில், பெண்கள் மற்றும் குழந்தைகளுக்கு எதிரான கிராமங்களில் காவலா்கள் ரோந்துப் பணியில் ஈடுபட்டதையடுத்து பிரச்னைகள் உள்ளனவா, இரவுகளில் வீடு திரும்பும் பெண்களுக்கு தொந்தரவு உள்ளதா என விசாரணை மேற்கொண்டு, பொதுமக்களிடம் காவலன் செயலி குறித்து விழிப்புணா்வு ஏற்படுத்தப்பட்டது. நிகழ்ச்சிகளில், கிராமப்புற பெண்கள், குழந்தைகள் பலா் பங்கேற்றனா்.