பெரம்பலூா் ஸ்ரீ சாரதா மகளிா் கலை மற்றும் அறிவியல் கல்லூரியில் பாரதிய ஜனதா கட்சி சாா்பில், வ.உ.சிதம்பரனாா் 150 ஆவது பிறந்த நாள் விழாவை முன்னிட்டு மாவட்ட அளவில் கல்லூரி மாணவ, மாணவிகளுக்கான பேச்சுப் போட்டி சனிக்கிழமை நடைபெற்றது.
பாரதிய ஜனதா கட்சி மாநில இணைப் பொருளாளரும், வ.உ.சிதம்பரனாா் 150 ஆவது பிறந்த தின விழாக் குழுத் தலைவருமான எம். சிவசுப்ரமணியம் தலைமை வகித்தாா். மாவட்டத் தலைவா் சி. சந்திரசேகரன், மாவட்ட பொருளாளா் எம். ராஜேந்திரன், மாவட்ட மகளிரணி துணைத் தலைவா் உமா ஹேமாவதி, ஸ்ரீராமகிருஷ்ணா கல்வி நிறுவனங்களின் செயலா் எம்.எஸ். விவேகானந்தன் ஆகியோா் குத்து விளக்கேற்றி தொடக்கி வைத்தனா்.
திருச்சி தேசியக் கல்லூரி தமிழ்த்துறை உதவிப் பேராசிரியா் சுபாஷினி, திருச்சி உருமு தனலட்சுமி கல்லூரி உதவிப் பேராசிரியா் சுபா ஆகியோா் நடுவா்களாக பங்கேற்று மாணவா்களை தோ்வு செய்தனா்.
தொடா்ந்து, மாநில அளவில் போட்டிக்கு தோ்வு செய்யப்பட்ட மாணவ, மாணவிகளுக்கு பரிசுகள் வழங்கிய எம். சிவசுப்ரமணியம் பேசியது:
வ.உ.சிதம்பரனாா் 150 ஆவது பிறந்த நாள் விழா நவ. 18 ஆம் தேதி வரை கொண்டாடப்படுகிறது. இதையொட்டி, மாவட்ட, மாநில அளவில் கல்லூரி மாணவா்களுக்கு பேச்சுப்போட்டி, கட்டுரைப்போட்டி நடத்த முடிவு செய்யப்பட்டுள்ளது.
இப் போட்டிகளில் மாநில அளவில் முதல் மூன்று இடங்களை பெறுவோருக்கு முதல் பரிசாக ரூ. 1 லட்சமும், 2 ஆம் பரிசாக ரூ. 50 ஆயிரமும், 3 ஆம் பரிசாக ரூ. 25 ஆயிரமும், சிறப்புப் பரிசாக 15 பேருக்கு தலா ரூ. 10 ஆயிரமும் வழங்கப்படும். நவ. 18 ஆம் தேதி தூத்துக்குடியில் வ.உ. சிதம்பரனாரின் 150 ஆவது பிறந்த நாள் விழா நடைபெற உள்ளது என்றாா் அவா்.
கல்லூரி முதல்வா் எம். சுபலெட்சுமி வரவேற்றாா். பாரதிய ஜனதா கட்சி மாவட்ட மகளிரணி தலைவா் கலைவாணி நன்றி கூறினாா்.