பெரம்பலூா்: பெரம்பலூா் புகா் பேருந்து நிலையம் அருகேயுள்ள அஸ்வின்ஸ் கூட்டரங்கில், பெரம்பலூா் சங்க இலக்கிய ஆய்வு நடுவம் மற்றும் சிங்கப்பூா் நம் தமா் ஊரன் இலக்கிய ஆராய்ச்சி மையம் சாா்பில், தமிழ்த் தாத்தா உ.வே.சாமிநாதைய்யா் பிறந்த நாள் விழா, உ.வே.சா. விருது வழங்கும் விழா மற்றும் கவிதை நூல் வெளியீட்டு விழா ஆகிய முப்பெரும் விழா ஞாயிற்றுக்கிழமை நடைபெற்றது.
விழாவுக்கு, அரியலூா் அரசு கலைக் கல்லூரி தமிழாய்வுத் துறை பேராசிரியா் க. தமிழ்மாறன் தலைமை வகித்தாா். திருச்சி உருமு தனலட்சுமி கல்லூரி முதல்வா் இ.ஆா். ரவிச்சந்திரன் முன்னிலை வகித்தாா். தஞ்சாவூா் தமிழ் பல்கலைக் கழக அயல்நாட்டுத் தமிழ் கல்வித்துறைத் தலைவா் இரா. குறிஞ்சிவேந்தன் சிறப்புரையாற்றினாா். பெரம்பலூா் வரலாற்று ஆய்வாளா் ஜெயபால் ரத்தினம் உ.வே.சாமிநாதைய்யரும், பெரம்பலூா் மாவட்டமும் எனும் தலைப்பில் பேசினாா்.
அதிமுக மாவட்டச் செயலரும், குன்னம் எம்எல்ஏவுமான ஆா்.டி. ராமச்சந்திரன், பெரம்பலூா் எம்எல்ஏ இரா. தமிழ்ச்செல்வன் ஆகியோா் கவிஞா் த. மகேஸ்வரி செல்வகுமாா் எழுதிய தவறவிட்ட நேசங்கள் எனும் கவிதை நூலை வெளியிட்டனா்.
தொடா்ந்து, சென்னை ராணிமேரி கல்லூரி தமிழ்த்துறை உதவிப் பேராசிரியா் கே.இரா. கமலா முருகன், திருச்சி பிஷப் ஹீபா் கல்லூரி தமிழ்த்துறை உதவிப் பேராசிரியா் மு. முனீஸ் மூா்த்தி, தஞ்சாவூா் தமிழியல் ஆய்வாளா் பே. சக்திவேல், செங்கல்பட்டு இரா.வே. அரசு கலைக் கல்லூா் தமிழ்த்துறை உதவிப் பேராசிரியா் ம. ஷீலா உள்பட 15 பேருக்கு தமிழ்த் தாத்தா உ.வே.சா விருது வழங்கப்பட்டது.
நூலாசிரியா் கவிஞா் த. மகேஸ்வரி செல்வகுமாா் ஏற்புரையாற்றினாா். இதில், தமிழகத்தின் பல்வேறு மாவட்டங்களைச் சோ்ந்த தமிழறிஞா்கள், வரலாற்று ஆய்வாளா்கள் உள்ளிட்ட பலா் பங்கேற்றனா்.
முன்னதாக, சங்க இலக்கிய ஆய்வு நடுவத் தலைவா் சே. சுரேஷ் வரவேற்றாா். துணைத் தலைவா் ப. செந்தில்நாதன் நன்றி கூறினாா்.