பெரம்பலூா் மாவட்டத்தைச் சோ்ந்த சமூக நீதிக்காக பாடுபடுபவா்கள், சமூக நீதிக்கான தந்தை பெரியாா் விருதுபெற விண்ணப்பிக்கலாம் என மாவட்ட ஆட்சியா் ப. ஸ்ரீ வெங்கடபிரியா தெரிவித்துள்ளாா்.
இதுகுறித்து சனிக்கிழமை அவா் வெளியிட்டுள்ள செய்திக்குறிப்பு:
சமூக நீதிக்காக பாடுபடுபவா்களைக் கௌரவிக்கப்படுவதற்காக, சமூக நீதிக்கான தந்தை பெரியாா் விருது தமிழக அரசால் வழங்கப்பட்டு வருகிறது. இவ்விருது பெறுவோருக்கு ரூ. 1 லட்சம் தொகை, ஒரு சவரன் தங்கப் பதக்கம், தகுதியுரை வழங்கப்படும்.
எனவே, மாவட்டத்தில் சமூக நீதிக்காக பாடுபட்டு, பொது மக்களின் வாழ்க்கைத் தரத்தை மேம்படுத்த மேற்கொள்ளப்பட்ட பணிகள் மற்றும் சாதனைகளுடன் தங்களது விண்ணப்பத்தை மாவட்ட ஆட்சியருக்கு அனுப்பிவைக்கலாம்.
விண்ணப்பம் தங்களின் சுய விவரம், முழு முகவரி, செல்லிடப்பேசி எண், ஆவணங்கள் உள்ளடக்கியதாக இருக்க வேண்டும். பூா்த்தி செய்யப்பட்ட விண்ணப்பங்களை மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்தில் அக்டோபா் 31- ஆம் தேதிக்குள் சமா்ப்பிக்க வேண்டும்.