பெரம்பலூா்: மாற்றுத்திறனாளிகளுக்கு மாதம்தோறும் ரூ. 3 ஆயிரம் வழங்க நடவடிக்கை எடுக்க வேண்டும் என, மாற்றுத்திறனாளிகள் சங்கப் பேரவைக் கூட்டத்தில் வலியுறுத்தப்பட்டது.
தமிழ்நாடு அனைத்து வகை மாற்றுத்திறனாளிகள் சங்க பெரம்பலூா் மாவட்டப் பேரவைக் கூட்டம், துறைமங்கலத்திலுள்ள மாா்க்சிஸ்ட் கம்யூனிஸ்ட் கட்சி அலுவலகத்தில் திங்கள்கிழமை நடைபெற்றது. மாவட்டத் துணைத் தலைவா் பி. கிருஷ்ணசாமி தலைமை வகித்தாா். நிா்வாகிகள் டி. ரமேஷ், பெரியசாமி, டி. வேல்முருகன், சரவணன் ஆகியோா் முன்னிலை வகித்தனா்.
பேரவைக் கூட்டத்தை சிஐடியு மாவட்டத் தலைவா் எஸ். அகஸ்டின் தொடக்கி வைத்தாா். மாநிலத் துணைத் தலைவா் பி.எஸ். பாரதி அண்ணா, மாவட்ட ஒருங்கிணைப்பாளா் பி. ரமேஷ் ஆகியோா் சிறப்புரையாற்றினா்.
கூட்டத்தில், அனைத்து ரயில்களிலும் ஏற்கெனவே நடைமுறையில் இருந்த மாற்றுத்திறனாளிகளுக்கான தனிப்பெட்டியை நடைமுறைப்படுத்த வேண்டும். சிறப்பு ரயில் எனும் பெயரில் கட்டணச் சலுகையை பறிக்கக் கூடாது. 100 நாள் வேலைத் திட்டத்தில் மாற்றுத்திறனாளிகளுக்கு முழுமையாக 100 நாள் பணியும், 4 மணி நேர பணியும், தினக்கூலியாக ரூ. 273, வாரக் கூலியாக ரூ. 1,638 வழங்க வேண்டும்.
மற்ற மாநிலங்களில் மாற்றுத்திறனாளிக்கு மாதம் ரூ. 3 ஆயிரம் வழங்குவதுபோல், தமிழகத்திலும் வழங்க நடவடிக்கை எடுத்து, தோ்தல் அறிக்கையில் அறிவித்ததுபோல் மாதம் ரூ. 1,500 வழங்கிட வேண்டும், அரசின் அனைத்து சமூக நலத்திட்டங்கள் வீடு, வீட்டுமனை, வேலைவாய்ப்பு உள்ளிட்ட அனைத்திலும் 5 சதவீதம் வழங்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன. மாவட்டப் பொருளாளா் ராஜசேகா் நன்றி கூறினாா்.