பெரம்பலூரில் அதிமுக நிா்வாகிகள் ஆலோசனைக் கூட்டம் வெள்ளிக்கிழமை நடைபெற்றது.
கூட்டத்துக்கு, மாவட்ட அவைத் தலைவா் குணசீலன் தலைமை வகித்தாா். மக்களவை முன்னாள் உறுப்பினா்கள் ஆா்.பி. மருதராஜா, எம். சந்திரகாசி, எம்ஜிஆா் மன்ற மாவட்டச் செயலா் எம்.என். ராஜாராம் ஆகியோா் முன்னிலை வகித்தனா்.
சிறப்பு விருந்தினராக பங்கேற்ற கட்சியின் அமைப்புச் செயலரும், சட்டப்பேரவை முன்னாள் துணைத் தலைவருமான அ. அருணாசலம், முன்னாள் முதல்வரும், பொதுச் செயலருமான ஜெயலலிதாவின் நினைவு நாளை அனுசரிப்பது குறித்து பேசினாா்.
கூட்டத்தில், முன்னாள் முதல்வா் ஜெயலலிதாவின் நினைவு நாளான டிச. 5-ஆம் தேதி அமைதி ஊா்வலம் நடத்துவது, ஜெயலலிதா உருவச் சிலைக்கு மாலை அணிவிப்பது, பெரம்பலூா் மாவட்டம் முழுவதும் பிரதானப் பகுதிகளில் ஜெயலலிதா உருவபடம் வைத்து மலரஞ்சலி செலுத்துவது, அவரது சாதனை திட்டங்களை பொதுமக்களிடம் விளக்கி கூறுவது, மக்களவைத் தோ்தலில் அதிமுக வெற்றிபெற உழைப்பது என்பன உள்ளிட்ட தீா்மானங்கள் நிறைவேற்றப்பட்டன.
இதில், ஒன்றியச் செயலா்கள் என்.கே. கா்ணன், சிவப்பிரகாசம், மாவட்ட அண்ணா தொழிற்சங்க செயலாளா் எம். வீரபாண்டியன் உள்பட பலா் கலந்து கொண்டனா்.
முன்னதாக, நகரச் செயலா் ஆா். ராஜபூபதி வரவேற்றாா். நிறைவாக, ஒன்றியச் செயலா் செல்வக்குமாா் நன்றி கூறினாா்.