ரேஷன் அரிசி கடத்தல் குறித்து புகாா் தெரிவிக்க அழைப்பு

பெரம்பலூா் மாவட்டத்தில் ரேஷன் அரிசி கடத்தல் மற்றும் பதுக்கல் சம்பந்தமான புகாா் தெரிவிக்க பொதுமக்களுக்கு அழைப்பு விடுக்கப்பட்டுள்ளது.

இதுகுறித்து பெரம்பலூா் மாவட்ட குடிமைப் பொருள் வழங்கல் குற்றப் புலனாய்வுத் துறை பிரிவு சாா்பில் செவ்வாய்க்கிழமை வெளியிட்ட அறிக்கை:

ரேஷன் அரிசி கடத்தல் மற்றும் பதுக்குவது சட்டப்படி குற்றமாகும். அவ்வாறு ரேஷன் அரிசியை கடத்தினோலோ, பதுக்கி வைத்திருந்தாலோ அவா்கள் மீது வழக்குப் பதிந்து கைது செய்யப்படுவாா்கள்.

இதுதொடா்பாக பொதுமக்களுக்கு தகவல் தெரிந்தால், தமிழ்நாடு குடிமைப் பொருள் வழங்கல் குற்றப்புலனாய்வுத் துறைக்கு 18005995950 எனும் கட்டணமில்லா தொலைபேசி எண்ணில் தெரிவிக்கலாம். மேலும், அத் துறையின் திருச்சி சரக துணைக் கண்காணிப்பாளா் 9498110737, பெரம்பலூா் பிரிவு ஆய்வாளா் 9498110777, சாா்பு ஆய்வாளா் 9498190651 ஆகியோரை தொடா்பு கொண்டு தகவல் மற்றம் புகாா் தெரிவிக்கலாம். புகாா் மற்றும் தகவல் தெரிவிப்பவரின் விவரம் ரகசியம் காக்கப்படும் எனத் தெரிவிக்கப்பட்டுள்ளது.