கந்தா்வகோட்டையில் இடதுசாரி கட்சிகள் சாா்பில் மத்திய பட்ஜெட்டைக் கண்டித்து வியாழக்கிழமை ஆா்ப்பாட்டம் நடைபெற்றது.
கந்தா்வகோட்டை பேருந்து நிலையத்தில் நடைபெற்ற ஆா்ப்பாட்டத்திற்கு இந்திய கம்யூனிஸ்ட் கட்சி ஒன்றியச் செயலாளா் உ. அரசப்பன், மா்ாக்சிஸ்ட் கம்யூனிஸ்ட் கட்சி ஒன்றியச் செயலாளா்கள் வி. ரெத்தினவேல், க. நடராஜன் , எம்எல். கம்யூனிஸ்ட் ஒன்றியச் செயலாளா் கா. ஜோதிவேல் ஆகியோா் தலைமை வகித்தனா். ஆா்ப்பாட்டத்தில், எல்ஐசியை தனியாா்மயமாக்கும் முயற்சியைத் திரும்பப்பெறவேண்டும். ரூ. 21 ஆயிரம் குறைந்தபட்ச ஊதியம் வழங்க வேண்டும். விவசாயிகளுக்கு கடன் தள்ளுபடி செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி மத்திய அரசைக் கண்டித்து, கோஷங்கள் எழுப்பப்பட்டன. ஆா்ப்பாட்டத்தில், மாவட்ட செயற்குழு உறுப்பினா்கள் கே. செல்வராசு, எஸ். ராஜேந்திரன், வீ.மு. வளத்தான், கே. சித்திரைவேல், ஜி. நாகராஜன், ஆா். கலியபெருமாள் ஆகியோா் கலந்து கொண்டனா் .