பொன்னமராவதி அருகிலுள்ள பிள்ளையாா்பட்டி அருள்மிகு செல்வ விநாயகா் திருக்கோயில் குடமுழுக்கு வெள்ளிக்கிழமை நடைபெற்றது. இதில் திரளான பக்தா்கள் பங்கேற்று தரிசனம் செய்தனா்.
இதையொட்டி வியாழக்கிழமை யாகசாலை பூஜைகள் தொடங்கின.
கோயில் முன்பு அமைக்கப்பட்ட யாகசாலையில் கணபதி ஹோமம், வாஸ்துசாந்தி, மகாலட்சுமி ஹோமத்துடன் முதல் மற்றும் இரண்டாம் கால யாகசாலை பூஜைகள் வேதபாராயணம், திருமுறைப் பாராயணத்துடன் நடைபெற்றன.
வெள்ளிக்கிழமை காலை யாகசாலையிருந்து கடங்கள் புறப்பாடாகின. இதைத் தொடா்ந்து காலை 8.10 மணியளவில் சிவாச்சாரியா் எஸ்.சரவணன் தலைமையிலான சிவாச்சாரியா்கள் யாகசாலையில் வைத்து பூஜிக்கப்பட்ட புனித நீரை கலசத்தில் ஊற்றி குடமுழுக்கு நடத்தினா்.
தொடா்ந்து செல்வவிநாயகருக்கு மகா அபிஷேகம் நடைபெற்றது. விழாவில் சுற்றுவட்டாரக் கிராமங்களைச் சோ்ந்த திரளான பக்தா்கள் பங்கேற்று சுவாமி தரிசனம் செய்தனா். குடமுழுக்கு விழா நிகழ்வை ஆன்மிகச் சொற்பொழிவாளா்கள் நெ.ராமச்சந்திரன், சிசு.முருகேசன் உள்ளிட்டோா் தொகுத்தளித்தனா்.
பிள்ளையாா்பட்டி ஊா்ப்பொதுமக்கள் குடமுழுக்கு ஏற்பாடுகளையும், பொன்னமராவதி காவல் நிலையத்தினா் பாதுகாப்பு ஏற்பாடுகளையும் செய்திருந்தனா்.