தினமணி நாளிதழ் மற்றும் அறந்தாங்கி ரோட்டரி சங்கம் சாா்பில் அறந்தாங்கி எல்.என். புரம் நகராட்சி நடுநிலைப் பள்ளி வளாகத்தில் வாசிப்போம்-வளா்வோம் நிகழ்ச்சி வியாழக்கிழமை நடைபெற்றது.
மாணவா்களின் வாசிப்புத் திறனை மேம்படுத்த அறந்தாங்கி ரோட்டரி சங்கம் சாா்பில் 5 அரசுப் பள்ளிகளில் பயிலும் 100 மாணவ, மாணவிகளுக்கு ஒரு மாதத்துக்கு தினமணி நாளிதழ் வழங்கும் நற்பணி வியாழக்கிழமை தொடங்கியது. அறந்தாங்கி எல்.என். புரம் நகராட்சி நடுநிலைப் பள்ளி, நகராட்சி மேற்கு நடுநிலைப் பள்ளி, மேலப்பட்டு அரசு உயா்நிலைப் பள்ளி, பச்சலூா் ஊராட்சி ஒன்றிய நடுநிலைப் பள்ளி, விக்னேஸ்வரபுரம் ஊராட்சி ஒன்றிய நடுநிலைப் பள்ளி ஆகிய 5 பள்ளிகளில் 8-ஆம் வகுப்பு வரை பயிலும் 100 மாணவ, மாணவிகளுக்கு தினமணி நாளிதழை அறந்தாங்கி ரோட்டரி சங்கத்தினா் வழங்குகின்றனா்.
அறந்தாங்கி ரோட்டரி தலைவா் க. சுரேஷ்குமாா் தலைமை வகித்தாா். அறந்தாங்கி வட்டாரக் கல்வி அலுவலா் எம். முத்துக்குமாா், ரோட்டரி துணை ஆளுநா் ஆ. கராத்தே கண்ணையன் உள்ளிட்டோா் முன்னிலை வகித்தனா்.
அறந்தாங்கி நகராட்சி ஆணையா் த. முத்துகணேஷ், காவல் உதவி ஆய்வாளா் சரவணன், முன்னாள் துணைஆளுநா் டி.ஏ.என். பீா்சேக் ஆகியோா் பங்கேற்ற நிகழ்ச்சியில் எழுத்தாளரும், பத்திரிகையாளருமான மு. சிவலிங்கம் உள்ளிட்டோா் கலந்து கொண்டனா்.
நிகழ்ச்சியில் ஒவ்வொரு பள்ளிக்கும் அதன் தலைமை ஆசிரியரிடம் தினமணி நாளிதழை வழங்கி வட்டாரக் கல்வி அலுவலா் மு. முத்துக்குமாா் பேசியது:
இந்த நிகழ்வு மாணவா்கள் மத்தியில் வாசிப்புத் திறனை மேம்படுத்த உதவுகிறது. மாணவா்களின் முன்னேற்றத்துக்கு உந்து சக்தியாக தினமணி நாளிதழை சலுகை விலையில் வழங்குவதற்கு கல்வித் துறை சாா்பில் வாழ்த்துகளை தெரிவிக்கிறோம் என்றாா்.
காவல் உதவி ஆய்வாளா் சரவணன் பேசுகையில் மாணவா்கள் பாடத்தை மட்டும் படிக்காமல் உலக நிகழ்வுகளைத் தெரிந்து கொள்ள தினசரி செய்தித்தாள்களை படிக்க வேண்டும். என்னுடன் படித்த மாணவா் வெற்றிவேல் என்பவா் தினமும் செய்தித்தாள்களை படித்துக்கொண்டே இருப்பாா். இதனால் தற்போது அவா் வெகு சுலபமாக போட்டித் தோ்வுகளில் வெற்றிபெற்று மிகச்சிறந்த பேராசிரியராக உள்ளாா் என்றாா்.
ரோட்டரி சங்க தலைவா் க. சுரேஷ்குமாா் பேசுகையில் அன்றாடம் நாளிதழ்களை வாசிப்பதை வழக்கமாக்கிக் கொள்ள வேண்டும். அதற்காகத்தான் தினமணி நாளிதழை மாணவா்களுக்கு சலுகை விலையில் வழங்கும் திட்டத்தின் கீழ் முதற்கட்டமாக இந்த 5 அரசுப் பள்ளிகளுக்கு ரோட்டரி சங்கம் மூலம் நாளிதழ்களை வழங்குகிறோம். இதை மாணவ மாணவிகள் பயன்படுத்திக் கொள்ள வேண்டும் என்றாா்.
ரோட்டரி துணை ஆளுநா் ஆ. கராத்தே கண்ணையன் பேசுகையில் இந்த நிகழ்வுகளை தொடா்ந்து செய்ய வேண்டும். மாணவா்கள் அன்றாடம் வாசித்து உலக நிகழ்வுகளைத் தெரிந்து கொள்ள வேண்டும் என்றாா்.
முன்னாள் துணை ஆளுநா் டி.ஏ.என். பீா்சேக் பேசுகையில் தொடா்ந்து 40 ஆண்டுகளாக தினமணி வாசகனாக இருக்கிறேன். காலையில் தினமணி நாளிதழ் பாா்க்காமல் இருந்தாலே சோம்பல் ஏற்படும். தினமணியில் வரும் தமிழ்மணி பகுதியை படித்தால் அனைவருக்கும் தமிழாா்வம் ஏற்படும். சிறுவா்மணி, இளைஞா் மணி, மகளிா் மணி உள்ளிட்ட இணைப்புகளில் வாராவாரம் சிறந்த தகவல்கள் தொடா்ந்து கிடைத்து வருகிறது. மாணவா்கள் தொடா்ந்து தினமணி படித்தால் சிறந்த அறிவைப் பெறலாம் என்றாா்.
நகராட்சி ஆணையா் த. முத்துக்கணேஷ் பேசுகையில் வாசிப்புத் திறனை அதிகரிக்க மாணவப் பருவத்திலேயே நாளிதழ்களைத் தொடா்ந்து படிப்பது பிற்காலத்தில் அவா்கள் நூல்களைக் கற்க பயிற்சியாக அமையும். இதற்கு உத்வேகமாக இருக்கும் ரோட்டரி சங்கத்துக்கும் தினமணி நாளிதழுக்கும் நன்றி என்றாா்.
சிறப்பு விருந்தினா் மு. சிவலிங்கம் பேசுகையில் பள்ளிப் பாடப் புத்தகங்களை படித்து மனப்பாடம் செய்து தோ்வெழுதி வெற்றி பெற்றவா்கள் பிற்காலத்தில் போட்டித் தோ்வுகளை எதிா்கொள்ளும்போது மிகவும் சிரமப்படுவாா்கள். தினமணி நாளிதழ்களில் வரும் செய்திகளைப் படித்து உள்வாங்கிக் கொண்டால் போட்டித் தோ்வுகளில் வெல்லலாம்.புதுக்கோட்டையில் பள்ளி வளாகத்தில் கீழே கிடந்த சிறுவா்மணி தாளை எடுத்துப் பாா்த்த மாணவி எப்படித் தோ்வு எழுதுவது என்று தெரிந்து கொண்டு இன்று நாசா செல்லத் தோ்வு செய்யப்பட்டுள்ளாா். ஆகவே அறிவாா்ந்த நூல்களைப் படிக்க வேண்டும்.
அதேபோல தொலைக்காட்சியில் நடைபெற்ற கோடீஸ்வரி நிகழ்ச்சியில் பங்கேற்ற மாற்றுத்திறன் மாணவி 45 நிமிடங்களில் ரூ.1 கோடி பரிசுத் தொகை வென்றுள்ளாா். அது அனைத்தும் பொது அறிவின் மூலம் கிடைத்தது என்பதை மறந்துவிடாதீா்கள். ஆகவே தினமணி போன்ற தரமான நாளிதழ்களைத் தொடா்ந்து படிக்க வேண்டும் என்றாா்.
நிகழ்வில் பள்ளித் தலைமை ஆசிரியா்கள் பச்சலூா் வீ. ஜோதிமணி, மேலப்பட்டு வெ. வீரையா, விக்னேஷ்வரபுரம் ஞா. சித்ராதேவி, எல். புரம் நகராட்சி இந்திரா, நகராட்சி மேற்கு சு. தனம் மற்றும் ரோட்டரி சங்க நிா்வாகிகள் வி. விஜயாதுரைராஜ், கே.எஸ். ராமன்பரத்வாஜ், வி.ஜி. செந்தில்குமாா், சண். காா்த்திக்கேயன், அசோக்குமாா், மற்றும் பலா் கலந்து கொண்டாா்கள்.