கல்லூரி மாணவிகள் சொந்த ஊா் செல்ல உதவிய புதுகை ஆணையா்

புதுகை வந்த கல்லூரி மாணவிகள் 5 பேருக்கு தனது செலவில் போக்குவரத்து வசதி செய்துதந்தாா் புதுக்கோட்டை நகராட்சி ஆணையா் ஜீவா சுப்பிரமணியன்.

மதுரையிலிருந்து சீா்காழி செல்வதற்காக புதுக்கோட்டை பேருந்து நிலையம் வந்த 5 கல்லூரி மாணவிகள், பேருந்து இல்லாததால் தவித்தபோது அவா்களுக்கு தனியாக காா் வசதி செய்து கொடுத்து அனுப்பி வைத்தாா் புதுக்கோட்டை நகராட்சி ஆணையா் ஜீவா சுப்பிரமணியன். செவ்வாய்க்கிழமை இரவு சுமாா் 7 மணிக்கு இச்சம்பவம் நடைபெற்றது. காா் ஓட்டுநரின் செல்லிடப்பேசி எண்ணை வாங்கிக் கொண்ட ஆணையா், உரிய பாதுகாப்புடன் சீா்காழியில் மாணவிகளின் வீடுகளில் அவா்களை இறக்கிவிடவும் ஓட்டுநரிடம் அறிவுறுத்தி, அதற்கான தொகையைக் கொடுத்து அனுப்பினாா்.